តារាខ្មែរ-ថៃ ល្បីៗ ត្រៀមកក្រើកឆាកតន្ត្រី នៅពិព័រណ៍ផលិតផលធំបំផុតចុងខែនេះ
- 2019-02-20 03:31:15
- ចំនួនមតិ 0 | ចំនួនចែករំលែក 0
តារាខ្មែរ-ថៃ ល្បីៗ ត្រៀមកក្រើកឆាកតន្ត្រី នៅពិព័រណ៍ផលិតផលធំបំផុតចុងខែនេះ
ចន្លោះមិនឃើញ
នៅមិនយូរប៉ុន្មានពិព័រណ៍ផលិតផលធំបំផុតមួយនឹងរៀបចំនៅភ្នំពេញឆាប់ៗនេះ ដែលនឹងមានតារាខ្មែរ-ថៃល្បីៗ ចូលរួមច្រៀង និងសម្ដែងផងដែរ។ ពិព័រណ៍នេះ មានរយៈពេល ៤ថ្ងៃ នឹងចាប់ផ្ដើមពីថ្ងៃទី ២៨ ខែកុម្ភៈ ដល់ថ្ងៃទី ០៣ ខែមីនា ឆ្នាំ២០១៩ នៅកោះពេជ្រ។
ពិព័រណ៍ផលិតផលធំបំផុតនេះ មានឈ្មោះថា Best Buy 2019 មានគោលបំណងដើម្បីបង្កើនទំហំពាណិជ្ជកម្មរវាងប្រទេសកម្ពុជា និង ថៃ។ ក្រៅពីបងប្អូន ចូលរួមទិញទំនិញដែលមានគុណភាពល្អៗ ពិព័រណ៍ក៏មានការប្រគំតន្ត្រី ដែលមានតារាខ្មែរ-ថៃ ល្បីចូលរួមច្រៀង និងសម្ដែង ដូចជា កញ្ញា សុខ ស៊ីឡាលីន លោក ឆន សុវណ្ណរាជ និង តារាថៃ James Mcfadden។
ក្នុងអំឡុងពេល៤ថ្ងៃនេះ ប្រជាជនកម្ពុជា អាចទៅទិញទំនិញដែលមានគុណភាពខ្ពស់ ហើយក៏នឹងមានការបញ្ចុះតម្លៃពិសេសផងដែរ។ ទន្ទឹមនឹងនេះ តារាខ្មែរល្បីៗជាច្រើនដួងទៀតនឹងមកច្រៀងជាហូរហែ ហើយតារាថៃល្បីក្នុងរឿង "វង្វេងភ្លើង" លោក James Mcfadden នឹងមកច្រៀងនៅថ្ងៃទី ០១ ខែមីនា ២០១៩។
ប្រទេសកម្ពុជា និងថៃ រំពឹងថា នឹងបង្កើនទំហំពាណិជ្ជកម្មរហូតដល់ ១៥ពាន់លានដុល្លារ នៅឆ្នាំ ២០២០។ ដោយឡែកកាលពីឆ្នាំ ២០១៨ កន្លងទៅ ទំហំពាណិជ្ជកម្មនៃប្រទេសទាំងពីរ កើនឡើងជាង៨ពាន់លានដុល្លារ ក្នុងនោះការនាំចូលពីថៃ មានទំហំជាង៧ពាន់លានដុល្លារ និងការនាំចេញពីកម្ពុជាទៅថៃ មានទំហំប្រមាណ ៧៦៨លានដុល្លារផងដែរ៕
កុំឲ្យឱកាសនេះកន្លងផុតទៅ ពិព័រណ៍ដែលមានផលិតផលល្អៗ និងការបញ្ចុះតម្លៃពិសេសផងនោះ កុំភ្លេចទៅចូលរួមទាំងអស់គ្នានៅកោះពេជ្រ ចាប់ពីថ្ងៃទី ២៨កុម្ភៈ ដល់ថ្ងៃទី ០៣ ខែមីនា ២០១៩ ខាងមុខនេះ។