ម្ចាស់ក្លឹប Man City ទិញចំណែកមួយរបស់ក្លឹបនៅចិន
- 2019-02-20 11:31:26
- ចំនួនមតិ 0 | ចំនួនចែករំលែក 0
ម្ចាស់ក្លឹប Man City ទិញចំណែកមួយរបស់ក្លឹបនៅចិន
ចន្លោះមិនឃើញ
ម្ចាស់ក្លឹប Manchester City ក្រុមហ៊ុន City Football Group (CFG) បានសហការគ្នាក្នុងការទិញក្លឹប Sichuan Jiuniu ដែលជាក្លឹបលីគលំដាប់ទី ៣ ប្រទេសចិន។
ក្រុមហ៊ុន CFG បានជាវក្លឹបចិនមួយនេះរួមគ្នាជាមួយនឹង ក្រុមហ៊ុនមនុស្សយន្ត UBTECH និងក្រុមហ៊ុន China Sports Capital។
ក្លឹប Sichuan Jiuniu ជាក្លឹបមួយដែលមានមូលដ្ឋាននៅខេត្តស៊ីឈួន ដែលស្ថិតនៅភាគនិរតីប្រទេសចិន និងមានកីឡដ្ឋានឈ្មោះ Chengdu Longquanyi ដែលផ្ទុកបានអ្នកទស្សនាចំនួន ២៧,០០០នាក់។
សូមបញ្ជាក់ផងដែរថា ក្លឹបចិនមួយនេះដែរ ជាក្លឹបទី ៧ ដែលក្រុមហ៊ុន CFG បានកាន់កាប់ ខណៈក្លឹបបាល់ទាត់ ៦ទៀតមានដូចជា ក្លឹបអាមេរិក New York FC, ក្លឹបអូស្ត្រាលី Melbourne FC, ក្លឹបជប៉ុន Yokohama F Marinos, ក្លឹបអ៊ុយរុយហ្គាយ Club Atletico Torque និងក្លឹបអេស្ប៉ាញ Girona៕