ហាងមួយនៅហាណូយកាត់សក់ម៉ូតត្រាំ-គីមមិនយកលុយ មុនជំនួបកំពូល
- 2019-02-21 06:22:24
- ចំនួនមតិ 0 | ចំនួនចែករំលែក 0
ហាងមួយនៅហាណូយកាត់សក់ម៉ូតត្រាំ-គីមមិនយកលុយ មុនជំនួបកំពូល
ចន្លោះមិនឃើញ
ខណៈពេលដែលជំនួបកំពូលរវាងកូរ៉េខាងជើង និងអាមេរិកកាន់តែខិតជិតមកដល់ក្នុងប្រទេសវៀតណាម ហាងកាត់សក់មួយកន្លែងក្នុងទីក្រុងហាណូយ បានប្រកាសផ្ដល់ការកាត់សក់មិនយកលុយសម្រាប់ម៉ូតដូចប្រធានាធិបតីដូណាល់ ត្រាំ និងលោកគីម ជុងអ៊ុន។
លោក Le Tuan Doung ជាម្ចាស់ហាងកាត់សក់មួយកន្លែងក្នុងទីក្រុងហាណូយ ប្រកាសផ្ដល់ការកាត់សក់មិនយកលុយសម្រាប់អ្នកដែលចង់កាត់តាមម៉ូតសក់គីម ជុងអ៊ុន ឬលោកដូណាល់ ត្រាំ។ ម្ចាស់ហាងកាត់សក់រូបនេះឲ្យដឹងថា "ហាណូយគឺជាទីក្រុងនៃសន្ដិភាព ហើយនៅពេលដែលគីម ជុងអ៊ុននិងដូណាល់ ត្រាំសម្រេចចិត្តមកជួបគ្នាពិភាក្សារក្សាសន្ដិភាពនៅទីនេះ ខ្ញុំគិតថាគួរតែធ្វើអ្វីមួយដើម្បីបង្ហាញថាប្រជាជនហាណូយស្វាគមន៍ជំនួបកំពូលនេះ។"
គួរឲ្យដឹងថា ជំនួបកំពូលលើកទីពីររវាងមេដឹកនាំកូរ៉េខាងជើងលោក គីម ជុងអ៊ុន ជាមួយប្រធានាធិបតីអាមេរិកលោក ដូណាល់ ត្រាំនឹងត្រូវធ្វើឡើងនៅថ្ងៃទី ២៧-២៨ ខែកុម្ភៈខាងមុខនៅក្នុងប្រទេសវៀតណាម៕
ចុចអាន ៖