ចាន់ រតនា និយាយយ៉ាងណាចំពោះ នៅ ស្រីពៅ ក្នុងអាជីពប្រដាល់នៅ One ?

2019-02-22 00:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ឆ្នើមទាំងគុនខ្មែរ និងគុនចម្រុះ ចាន់ រតនា សរសើរមិនដាច់ពីមាត់ពីសមត្ថភាពដ៏ល្អរបស់កីឡាការិនី នៅ ស្រីពៅ ហើយនឹងមានរឹតតែមានភាពល្បីល្បាញនៅពៅពេលខាងមុខតទៀតប្រសិនបើខំប្រឹងបន្ថែមទៀត។

ចាន់ រតនា ពេលឈ្នះនៅ One

រតនា បានឲ្យដឹងថា មែនទែនទៅមុនការប៉ះគ្នាជាមួយអ្នកប្រដាល់ថៃ Rika លោកគិតថាប្រហែលជាយ៉ាប់បន្តិចហើយ ស្រីពៅ ព្រោះដៃគូគេល្អ ជាពិសេសក្បាច់ចូលចាប់ រួមទាំងមានបទពិសោធន៍ច្រើនទៀតផង ប៉ុន្តែដល់ពេលប្រកួតវាមិនដូចអ្វីដែលបានគិតឡើយ។ សម្រាប់ការប្រកួតដំបូងរបស់ ស្រីពៅ គឺពិតជាធ្វើបានល្អមែនទែន វ៉ៃចេញច្បាស់ៗ មានទម្ងន់ និងរហ័សទៀត មានពេលខ្លះវ៉ៃរហូតដល់ថ្នាក់ដៃគូបាត់បង់ម្ចាស់ការ មិនត្រឹមតែប៉ុណ្ណេះទេ ចេះការពារក្រោមបានល្អថែមទៀត។

កីឡាការិនី នៅ ស្រីពៅ

ជើងខ្លាំងមានភរិយាជាជនជាតិបារាំងខាងលើនេះបន្ថែមទៀតថា អនាគតនៅពេលខាងមុខនឹងល្បីល្បាញ ឬអាចជាជើងខ្លាំងប្រចាំកម្ពុជាបាន ប្រសិនបើគេរឹតតែខិតខំប្រឹងប្រែងហ្វឹកហាត់បន្ថែម ជាពិសេសបច្ចេកទេសក្នុងទ្រុងតែម្ដង។ នេះជាឱកាសមួយសម្រាប់កីឡាការិនីកម្ពុជាដែលឆក់យកឱកាសល្បីក្នុងកម្មវិធីក៏ធំរបស់អាស៊ីមួយនេះ ព្រោះមិនងាយឡើយ។ ប្រសិនបើអ្នកប្រដាល់សកលជម្រើសជាតិរូបនេះមានឈ្មោះល្បីនៅកម្មវិធីប្រដាល់នេះមែន អាចមាននឹងមានសង្ឃឹមឡើងវិញថា One Championship នឹងមកវ៉ៃរៀបកម្មវិធីជាថ្មីទៀតនៅខ្មែរ។

នៅ ស្រីពៅ ពេលឈ្នះអ្នកប្រដាល់ថៃ Rika

កីឡាករ ចាន់ រតនា ជាជើងខ្លាំងគុនខ្មែរ និងគុនចម្រុះ(MMA) អ្នកប្រដាល់រូបនេះក៏ជាម្ចាស់ក្លឹបសិល្បៈដែលកំពុងបង្វឹកភាគច្រើនបរទេស និងមហាជនមួយចំនួនហាត់ដើម្បីសុខភាពផងដែរ។ គេក៏ជាកីឡាករប្រចាំស្ថាប័ន One Championship នាពេលបច្ចុប្បន្ននេះដែរ។ចំណែកកីឡាការិនី នៅ ស្រីពៅ របស់កម្ពុជាបានយកឈ្នះពិន្ទុលើស្រីស្អាតរបស់ថៃ Rika កាលពីថ្ងៃសៅរ៍ ទី១៦ កុម្ភៈ ផ្នែកគុនចម្រុះ(MMA)៕

អត្ថបទ៖ នួន ស៊ីណា