ជនជាតិបារាំងប្រគល់ភាជន៍បុរាណពីរមកឲ្យអាជ្ញាធរក្រោយរក្សាទុក១៥ឆ្នាំ
- 2019-02-22 03:49:43
- ចំនួនមតិ 0 | ចំនួនចែករំលែក 0
ជនជាតិបារាំងប្រគល់ភាជន៍បុរាណពីរមកឲ្យអាជ្ញាធរក្រោយរក្សាទុក១៥ឆ្នាំ
ចន្លោះមិនឃើញ
ជនជាតិបារាំងម្នាក់ដែលជាម្ចាស់ភោជនីដ្ឋានមួយនៅសៀមរាប បានប្រគល់ភាជន៍បុរាណចំនួនពីរឲ្យអាជ្ញាធរជាតិអប្សរា ក្រោយពីបានរក្សាទុកអស់រយៈពេល១៥ឆ្នាំ។
នៅលើទំព័រហ្វេសប៊ុករបស់ខ្លួន អាជ្ញាធរជាតិអប្សរានៅព្រឹកនេះសរសេរថាជនជាតិបារាំង ដែលជាម្ចាស់ភោជនីដ្ឋាន The Square 24 កាលពីម្សិលមិញបានប្រគល់ភាជន៍បុរាណចំនួនពីរមកឲ្យអាជ្ញាធរជាតិអប្សរា។
ប្រភពខាងលើសរសេរថាជនជាតិបានរាំងរូបនេះបានរកឃើញភាជន៍បុរាណមួយគូនេះកាលពី១៥ឆ្នាំ មុននៅពេលលោកឲ្យកម្មករជីកដីធ្វើបង្គន់។ ប្រភពបន្តថាជនជាតិបារាំងរូបនោះក៏បានរក្សាភាជន៍បុរាណទាំងនេះទុកអស់រយៈពេល១៥ឆ្នាំ ដោយមិនច្បាស់ថាត្រូវប្រគល់ទៅខាងណានៅពេលរកឃើញភ្លាមៗ និងក្រោយមកសាលាបារាំងចុងបូព៌ាក៏បានណែនាំលោកឲ្យប្រគល់ភាជន៍នេះមកអាជ្ញាធរជាតិអប្សរា។
ទាក់ទងនឹងប្រវត្តិភាជន៍នេះមន្ត្រីជំនាញមិនទាន់អាចអះអាងបានទេថាមានប្រភពមកពីខាងណាឲ្យច្បាស់លាស់ និងថាមើលទៅមិន«ដូចភាជន៍ខ្មែរ»។ ទោះយ៉ាងណាមន្ត្រីជំនាញថាខ្លួននឹងពិនិត្យមើលសាច់ដី ដោយកែវពង្រីក និងសិក្សាជាមួយអ្នកស្រាវជ្រាវផ្សេងទៀតដើម្បីបញ្ជាក់ពីអាយុកាល និងអត្តសញ្ញាណភាជន៍មួយគូនេះ។ នេះបើតាមអាជ្ញាធរជាតិអប្សរាដដែល៕