ស្លាប់ ១៥៤នាក់និងបញ្ជូនទៅពេទ្យជាច្រើនរយនាក់ ក្រោយពុលស្រានៅឥណ្ឌា (មានវីដេអូ)
- 2019-02-25 06:36:28
- ចំនួនមតិ 0 | ចំនួនចែករំលែក 0
ស្លាប់ ១៥៤នាក់និងបញ្ជូនទៅពេទ្យជាច្រើនរយនាក់ ក្រោយពុលស្រានៅឥណ្ឌា (មានវីដេអូ)
ចន្លោះមិនឃើញ
យ៉ាងហោចណាស់មនុស្ស ៥៤នាក់បានស្លាប់និងជាង២០០នាក់ផ្សេងទៀតត្រូវបានបញ្ជូនទៅកាន់មន្ទីរពេទ្យក្រោយផ្ទុះករណីពុលស្រាក្នុងប្រទេសឥណ្ឌា។
យោងតាមមន្ត្រីឲ្យដឹងថា ជនរងគ្រោះទាំងអស់បានផឹកស្រាដែលផលិតក្នុងស្រុកនៅភាគខាងជើងនៃរដ្ឋ Assam។ ចំនួនអ្នកស្លាប់បានកើនដល់ ១៥៤នាក់នៅថ្ងៃចន្ទនេះ ខណៈពេលដែលមនុស្ស ៣៤នាក់ត្រូវបានចាប់ខ្លួនដោយសង្ស័យថាជាប់ពាក់ព័ន្ធនឹងការផ្គត់ផ្គង់ស្រាខុសច្បាប់ហើយសាកសួរអ្នកដទៃទៀតនៅក្នុងតំបន់។ ដោយឡែកមន្ត្រីជាន់ខ្ពស់មួយរូបគឺលោក Mukesh Agarwal ឲ្យដឹងថា "វាគឺជាស្រាដែលផលិតដោយខុសច្បាប់នៅក្នុងស្រុក។ យើងកំពុងស៊ើបអង្កេតពីសមាសធាតុដែលយកមកលាយក្នុងស្រានេះ។” ជាមួយគ្នាដែរ ករណីពុលស្រានេះដំបូងបង្អស់ត្រូវបានរាយការណ៍កាលពីល្ងាចថ្ងៃព្រហស្បតិ៍ដោយជនរងគ្រោះភាគច្រើនជាកម្មករចម្ការតែ។
គួរឲ្យដឹងថា ហេតុការណ៍ដ៏អាក្រក់នេះបានកើតឡើងស្របពេលដែលរដ្ឋាភិបាលឥណ្ឌាកំពុងចេញយុទ្ធនាការប្រយុទ្ធប្រឆាំងនឹងស្រាខុសច្បាប់ និងក្លែងក្លាយដែលមានតម្លៃទាបហើយអាចរកបាននៅកន្លែងជាច្រើនទូទាំងប្រទេស៕
សូមទស្សនាវីដេអូខាងក្រោម ៖
ចុចអាន ៖
តុលាការឥណ្ឌាបណ្ដេញកុលសម្ព័ន្ធជិត១លាននាក់ពីលំនៅឋាន ព្រោះហេតុផលគួរឲ្យសរសើរ១
គួរឲ្យអាម៉ាស់! រថភ្លើងលឿនបំផុតរបស់ឥណ្ឌា ខូចកណ្ដាលផ្លូវត្រឹម១ថ្ងៃក្រោយដាក់សម្ភោធ