ច្រើនដល់ក កុំតែចាប់ទាន់កុំអីមិនដឹងអស់សត្វព្រៃប៉ុន្មាន
- 2019-02-27 04:45:05
- ចំនួនមតិ 0 | ចំនួនចែករំលែក 0
ច្រើនដល់ក កុំតែចាប់ទាន់កុំអីមិនដឹងអស់សត្វព្រៃប៉ុន្មាន
ចន្លោះមិនឃើញ
ក្នុងខែ កុម្ភៈ នេះ អង្គការ BirdLife Cambodia បានរឹបអូសអន្ទាក់ និងរណាយន្តមួយចំនួនក្នុងបេសកកម្មទប់ស្កាត់បទល្មើសដែលកើតមាននៅដែនជម្រកសត្វព្រៃខេត្តស្ទឹងត្រែង។
នៅលើទំព័រហ្វេសប៊ុករបស់ខ្លួននៅព្រឹកនេះ អង្គការ BirdLife Cambodia បានសរសេរថាក្នុងខែកុម្ភៈ ឆ្នាំ២០១៩នេះ ខ្លួនបានរឹបអូសរណាយន្តចំនួនបីគ្រឿង កាំភ្លើងកែច្នៃចំនួនពីរដើម ម៉ងចាប់សត្វចំនួនប្រាំដៃ ឧបករណ៍ឆក់ត្រីមួយគ្រឿង និងអន្ទាក់ចំនួន៦០៨ខ្សែ។
ការរឹបអូសបាននេះធ្វើឡើងនៅក្នុងដែនជម្រកសត្វព្រៃសៀមប៉ាង និងសៀមប៉ាងលិច ក្នុងខេត្តស្ទឹងត្រែង។
ប្រភពដដែលសរសេរថា៖ «ដើម្បីធ្វើការអភិរក្សសត្វព្រៃនិងការការពារធម្មជាតិឲ្យមាននិរន្តរភាព យើងត្រូវការការគាំទ្រយ៉ាងពេញទំហឹងពីអ្នកពាក់ព័ន្ធក្នុងតំបន់ដើម្បីចូលរួមការពារ បើគ្មានការចូលរួម របស់ពួកគេធនធានទាំងនេះនឹងត្រូវបាត់បង់យ៉ាងឆាប់រហ័ស»៕