បាក់ស្រុតអណ្ដូងរ៉ែក្នុងប្រទេសឥណ្ឌូនេស៊ី កប់ជាប់មនុស្សយ៉ាងហោច ៦០នាក់
- 2019-02-27 07:17:11
- ចំនួនមតិ 0 | ចំនួនចែករំលែក 0
បាក់ស្រុតអណ្ដូងរ៉ែក្នុងប្រទេសឥណ្ឌូនេស៊ី កប់ជាប់មនុស្សយ៉ាងហោច ៦០នាក់
ចន្លោះមិនឃើញ
យ៉ាងហោចណាស់មនុស្ស ៦០នាក់ត្រូវបានគេជឿថាកប់ជាប់ក្នុងបណ្ដូងរ៉ែខុសច្បាប់មួយកន្លែងក្រោយមានការបាក់ដីនៅតំបន់ Bolaang Mongondow នៃកោះ Sulawesi ប្រទេសឥណ្ឌូនេស៊ី។
ភ្នាក់ងារគ្រោះមហន្ដរាយឥណ្ឌូនេស៊ីឲ្យដឹងថា មនុស្សម្នាក់ត្រូវបានគេរកឃើញថាស្លាប់ និងយ៉ាងហោច ១៣នាក់ទៀតត្រូវបានជួយសង្គ្រោះបើគិតមកត្រឹមថ្ងៃពុធ។ រូបភាពពីកន្លែងកើតហេតុ បង្ហាញពីទិដ្ឋភាពក្រុមអ្នកជួយសង្គ្រោះ និងប្រជាពលរដ្ឋក្នុងតំបន់រួមគ្នាជួយយកមនុស្សចេញពីអណ្ដូងរ៉ែ។ ដោយឡែកយោងតាមអ្នកនាំពាក្យមួយរូបឲ្យដឹងថា ធ្នឹមសម្រាប់ទ្រទ្រង់អណ្ដូងរ៉ែបានបាក់ដោយសារដីទន់ និងដោយសារការជីកយករ៉ែច្រើនសន្ធឹកសន្ធាប់។ យ៉ាងណាមិញ ការជួយសង្គ្រោះនៅតែមានភាពពិបាកខ្លាំងក្នុងការយកមនុស្សចេញដោយសារតែដីនៅតែអាចបន្ដបាក់ថែមទៀត។
គួរឲ្យដឹងថា រដ្ឋាភិបាលឥណ្ឌូនេស៊ីបានចេញច្បាប់ហាមឃាត់ការជីករ៉ែទំហំតូចគ្រប់ប្រភេទហើយនៅក្នុងប្រទេស ប៉ុន្តែអាជ្ញាធរក្នុងតំបន់នៅតែបិទភ្នែកចំពោះទង្វើខុសច្បាប់នេះជាពិសេសនៅតំបន់ដាច់ស្រយាលតែម្ដង៕