ចាន់ វឌ្ឍនាកា បញ្ជាក់អតីតអ្នកប្រដាល់ ឡោ សំណាង ជាមនុស្សស្លូត
- 2019-03-04 06:44:23
- ចំនួនមតិ 0 | ចំនួនចែករំលែក 0
ចាន់ វឌ្ឍនាកា បញ្ជាក់អតីតអ្នកប្រដាល់ ឡោ សំណាង ជាមនុស្សស្លូត
ចន្លោះមិនឃើញ
កាលពីយប់ថ្ងៃទី៣ ខែមីនា ឆ្នាំ២០១៩កន្លងទៅ អតីតអ្នកប្រដាល់ល្បីឈ្មោះ ឡោ សំណាង បានជួបគ្រោះថ្នាក់ចរាចរណ៍ដោយកើតមានការតវ៉ារហូតត្រូវក្មេងស្ទាវមួយក្រុមបានព្រួតវាយបណ្តាលឲ្យហើមមុខ។
ឧបទ្ទវហេតុបានកើតមានឡើងវេលាម៉ោងប្រហែលជា១១យប់ ស្ថិតនសង្កាត់ទន្លេបាសាក់ ខណ្ឌចម្ការមន រាជធានីភ្នំពេញ។ ហេតុការណ៍គឺថា ឡោ សំណាងបានបើកឡានឈប់នៅស្តប់ ហើយក្មេងៗបានជិះមកប៉ះឡានរបស់គាត់ពីក្រោយ។ គាត់ចេញពីរថយន្តដើម្បីដោះស្រាយ ប៉ុន្តែពេលនឡក្រុមក្មេងស្ទាវបានឲ្យគាត់ទៅសុំទោសបងធំរបស់ពួកគេ។ ដោយសារគាត់មិនបានធ្វើខុស គាត់មិនសុំទោសដែលជាហេតុធ្វើឲ្យក្មេងស្ទាវទាំងនោះព្រួតគ្នាវាយ។ ការវាយនោះបានធ្វើឲ្យអតីតអ្នកប្រដាល់ ឡោ សំណាង បានរបួសបាក់កូនដៃ និងហើមមុខមាត់។
បន្ទាប់ពីឃើញព័ត៌មាននេះ កីឡាករបាល់ទាត់កម្ពុជា ចាន់ វឌ្ឍនាកា ដែលកំពុងលេងនៅលីគម៉ាឡេស៊ីបាននិយាយថា ៖«គាត់ (ឡោ សំណាង)ជាអតីតអ្នកប្រដាល់ពិត តែតាមខ្ញុំស្គាល់គាត់តាំងពីរៀននៅវិទ្យាល័យព្រះស៊ីសុវត្ថិ គាត់ស្លូតណាស់»។
ឡោ សំណាង ជាអតីតកីឡាករប្រដាល់ដែលមានកេរ្តិ៍ឈ្មោះល្បីល្បាញក្នុងពិភពប្រដាល់គុនខ្មែរធ្លាប់ឈ្នះខ្សែក្រវាត់ និងប្រកួតអន្តរជាតិជាច្រើនក្នុងសម័យជាមួយ ឡុង វ៉ាន់ថន ប៉ឹត ខាំ ជ័យ កុសលជាដើម។ បន្ទាប់ពីឈប់ប្រដាល់ ឡោ សំណាង បានរកស៊ីជាអ្នកកិបសំបុត្រកង់ ម៉ូតូ រថយន្តនៅវិទ្យាល័យព្រះស៊ី សុវត្ថិ៕