Dark Mode មុខងារថ្មី កំពុងត្រូវប៉ាន់ ផ្តល់ក្តីសង្ឃឹមអ្នកប្រើប្រាស់ iOS ជំនាន់ក្រោយ
- 2019-03-05 03:26:26
- ចំនួនមតិ 0 | ចំនួនចែករំលែក 0
Dark Mode មុខងារថ្មី កំពុងត្រូវប៉ាន់ ផ្តល់ក្តីសង្ឃឹមអ្នកប្រើប្រាស់ iOS ជំនាន់ក្រោយ
ចន្លោះមិនឃើញ
មានការសាទរជាខ្លាំងក្រោយ Facebook បានបញ្ចេញ មុខងារ Dark Mode សម្រាប់កម្មវិធី Messenger កាលពីពេលថ្មីៗនេះ។ ដោយឡែកអ្នកប្រើប្រាស់ iPhone ក៏ទំនងនឹងអាចទទួលបានមុខងារប្រែផ្ទៃអេក្រង់ទៅជាពណ៌ខ្មៅបានដូចគ្នា ប៉ុន្តែត្រូវរង់ចាំដល់ជំនាន់ iOS 13.1។
យោងតាមគណនី Max Weinbach បង្ហោះផ្សាយលើ Twitter បានឲ្យដឹងថា Dark Mode នឹងមិនមានផ្លូវការក្នុងប្រព័ន្ធ iOS 13 នោះទេ ពោលគឺមានភាគរយទាបបំផុត ដោយការប្រើប្រាស់ច្បាសការអាចនឹងពន្យារដល់ iOS 13.1។
រំឭកថា Dark Mode នឹងអនុញ្ញាតឲ្យម្ចាស់ iPhone/iPad អាចប្រែផ្ទៃអេក្រង់ទៅជាពណ៌ខ្មៅ ដោយក្រៅពីងាយស្រួលប្រើប្រាស់ ទៀតសោតក៏អាចជួយសន្សំថាមពលថ្មលើអេក្រង់ OLED និងជួយការពារភ្នែកពីការជះពន្លឺខ្លាំងទៀតផង។
ចំពោះការចេញផ្សាយប្រព័ន្ធប្រតិបត្តិនេះ នឹងធ្វើឡើងអំឡុងក្រោយប៉ុន្មានសប្តាហ៍នៃការប្រកាស iPhone សេរ៊ីឆ្នាំ ២០១៩ ស្រដៀងទៅនឹងមុខងារ Group FaceTime កន្លងទៅ ក៏ពុំបានប្រើប្រាស់ក្នុងប្រព័ន្ធ iOS 12 ភ្លាមៗនោះដែរ ពោលគឺរង់ចាំដល់ជំនាន់ក្រោយមួយទៀតដូចគ្នា៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: