ចាប់បានអណ្ដើកជាង ១៥០០ក្បាលរុំស្កុតដាក់ក្នុងវ៉ាលី រត់គេចពន្ធពីហុងកុង
- 2019-03-05 02:52:00
- ចំនួនមតិ 0 | ចំនួនចែករំលែក 0
ចាប់បានអណ្ដើកជាង ១៥០០ក្បាលរុំស្កុតដាក់ក្នុងវ៉ាលី រត់គេចពន្ធពីហុងកុង
ចន្លោះមិនឃើញ
អណ្តើកជាង ១៥០០ក្បាលដែលមានតម្លៃជាង៨ម៉ឺនដុល្លារ ត្រូវចាប់បានដោយរុំស្កុតដាក់ក្នុងវ៉ាលីនៅព្រលានយន្ដហោះទីក្រុងម៉ានីឡាប្រទេសហ្វីលីពីន។
សត្វអណ្ដើកទាំងអស់នេះ ត្រូវចាប់បាននៅក្នុងវ៉ាលីចំនួនបួនដែលដាក់ស្កែនក្នុងម៉ាស៊ីនកាំរស្មី Xនៅព្រលានយន្ដហោះអន្ដរជាតិ Ninoy Aquino។ វ៉ាលីទាំងនេះ ជាកម្មសិទ្ធិរបស់អ្នកដំណើរម្នាក់ដែលមកពីទីក្រុងហុងកុងដែលមានតម្លៃសរុបជាង ៨ម៉ឺនដុល្លារក្នុងទីផ្សារងងឹតនៅហ្វីលីពីន។ ចំណែកឯម្ចាស់វ៉ាលីជាជនជាតិហ្វីលីពីន មិនបានទៅទទួលយកវ៉ាលីរបស់ខ្លួននៅកន្លែងមកដល់នោះទេ ប៉ុន្តែអាចប្រឈមមុខនឹងជាប់ពន្ធនាគារចាប់ពី១ ដល់២ឆ្នាំនិងពិន័យជាប្រាក់ពី ៣០០ទៅ ៣ ០០០ដុល្លារ។
ក្រោយចាប់បាន អណ្ដើកទាំង ១៥០០ក្បាលត្រូវបានប្រគល់ទៅឲ្យនាយកដ្ឋានបរិស្ថាននិងធនធានធម្មជាតិ។ គួរឲ្យដឹងថា កាលពីឆ្នាំ ២០១៨ អាជ្ញាធរហ្វីលីពីនបានប្រគល់សត្វប្រភេទកម្រ ៥៦០ក្បាលដែលបានគេចពន្ធតាមផ្លូវអាកាស៕