Sanchez នឹងត្រូវសម្រាករហូតចប់រដូវកាល ដោយសារបញ្ហារបួស
- 2019-03-05 03:57:02
- ចំនួនមតិ 0 | ចំនួនចែករំលែក 0
Sanchez នឹងត្រូវសម្រាករហូតចប់រដូវកាល ដោយសារបញ្ហារបួស
ចន្លោះមិនឃើញ
Alexis Sanchez ខ្សែប្រយុទ្ធរបស់ Manchester United ត្រូវខកខានប្រកួតរហូតចប់រដូវកាលនេះ ដោយសារតែគេមានមានបញ្ហារបួសជង្គង់ អំឡុងពេលយកឈ្នះ Southampton ៣-២ កាលពីចុងសប្ដាហ៍កន្លងទៅ។
កីឡាករវ័យ៣០ឆ្នាំត្រូវបង្ខំចិត្តប្ដូរចេញនៅនាទី៥២ក្នុងកីឡដ្ឋាន Old Trafford បន្ទាប់ពីប៉ះទង្គិចជាមួយខ្សែការពារ Jan Bednarek របស់ Southampton។ ពេលនេះអតីតកីឡាកររបស់ Arsenal រូបនេះត្រូវសម្រាករយៈពេល៨សប្ដាហ៍។
ក្រុមគ្រូពេទ្យរបស់ជម្រើសជាតិឈីលីបានប្រាប់សារព័រ៌មានថា៖ "ពួកយើងបាននិយាយជាមួយកីឡាកររួចរាល់ គេបានស្កេនពិនិត្យរបួសកាលពីថ្ងៃអាទិត្យ។ លទ្ធផលគេអាចប្រកួតបាននៅពាន Copa America ពេលខាងមុខ ប៉ុន្តែពេលនេះមិនអាចលេងបានឡើងត្រូវសម្រាកពី៦ទៅ៨សប្ដាហ៍៕