ចំនួនអ្នកប្រើអ៊ីនធឺណិតចល័ត និងអចល័ត នៅកម្ពុជា ខុសគ្នាមេឃនិងដី

2019-03-05 07:34:58
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមរបាយការណ៍របស់និយតករទូរគមនាគមន៍កម្ពុជា ដែលចុះផ្សាយកាលពីពេលថ្មីៗនេះគិតត្រឹមដំណាច់ខែកុម្ភៈ ឆ្នាំ ២០១៩ បានបង្ហាញឲ្យឃើញច្បាស់ពីចំនួនខុសគ្នាដាច់ស្រឡះរវាងអ្នកប្រើប្រាស់អ៊ីនធឺណិតនៅផ្ទះ និងអ្នកប្រើអ៊ីនធឺណិតតាមទូរសព្ទ។

ក្នុងរបាយការណ៍បានឲ្យដឹងថាចំនួនអ៊ីនធឺណិតចល័តមានសរុប ១៣ ៦៨៧ ១៥៧ ស៊ីមកាត ត្រូវនឹង ៨២,៦១% ធៀបជាមួយចំនួនប្រជាជនសរុប ដែលប្រតិបត្តិការដោយ ៧ ក្រុមហ៊ុន។ ចំណែកចំនួនអ៊ីនធឺណិតអចល័តមានសរុប ១៧២ ៤១៤ នាក់ ត្រូវនឹង ១,០៤% ធៀបជាមួយចំនួនប្រជាជនសរុប ដែលប្រតិបត្តិការដោយ ៣៤ ក្រុមហ៊ុន។

របាយការណ៍បានឲ្យដឹងដែរថា ៖

១- ចំនួនទូរស័ព្ទចល័ត សរុប ១៩ ៤៩៨ ៨៣១ ស៊ីមកាត ត្រូវនឹង ១១៧% ធៀបជាមួយចំនួនប្រជាជនសរុប ដែលប្រតិបត្តិការដោយ ៦ ក្រុមហ៊ុន។

២- ចំនួនទូរស័ព្ទអចល័ត (ប្រើប្រាស់ខ្សែ និងឥតប្រើប្រាស់ខ្សែ) សរុប ៨៦ ៣៥៤ នាក់ ត្រូវនឹង ០,៥២% ធៀបជាមួយចំនួនប្រជាជនសរុប ដែលប្រតិបត្តិការដោយ ៧ ក្រុមហ៊ុន។

៣- គណនីបណ្ដាញសង្គមហ្វេសប៊ុក មានចំនួនសរុបប្រមាណជា ៧ លានគណនី៕

ចុចអាន៖

អត្ថបទ ៖ លាភ.