រជ្ជកាលរបស់ Real Madrid ធ្លាក់ចុះ ក្រោយបាត់បង់អធិរាជ Ronaldo
- 2019-03-06 04:01:27
- ចំនួនមតិ 0 | ចំនួនចែករំលែក 0
រជ្ជកាលរបស់ Real Madrid ធ្លាក់ចុះ ក្រោយបាត់បង់អធិរាជ Ronaldo
ចន្លោះមិនឃើញ
២០១៨-១៩ ជារដូវកាលអាប់អួបំផុតសម្រាប់ក្រុម Real Madrid នៅ៨រដូវកាលចុងក្រោយ ចាប់តាំងពីការចាកចេញរបស់តួឯក Cristiano Ronaldo។
ជាការពិតក្នុងរដូវកាលនេះ Real ស្ទើរតែបាត់ពានក្នុងដៃអស់ទៅហើយក្នុងនោះ ពួកគេធ្លាក់ចេញពីពាន Copa del Rey ដោយសារតែ Barcelona។ Madird ត្រូវបានគេចាត់ទុកជាអធិរាជក្នុងពាន Champions League តែរដូវកាលនេះបែរជាធ្លាក់ក្រោយស្នៀតរបស់ Ajax ទៅវិញ។ ចំពោះការប្រជែងពាន La Liga ក៏ស្ថិតនៅឆ្ងាយពីដៃ ពោល Real គម្លាតដល់១២ពិន្ទុពីក្រុមកំពូលតារាង Barcelona ស្របពេលសល់១២ប្រកួតទៀត។
ការបាត់បង់កីឡាករឆ្នើម Ronaldo ត្រូវបានគេជឿថាក៏ជាផ្នែកដែលធ្វើក្រុមធ្លាក់ចុះ។ ការចាកចេញរបស់កីឡាករសញ្ជាតិព័រទុយហ្គាល់ទៅកាន់ក្លឹប Juventus បានប៉ះពាល់ដល់ទឹកចិត្តកីឡាករមួយចំនួន។ តំបន់ប្រយុទ្ធរបស់ក្រុមលែងមុតស្រួចដូចមុន ត្បិត Gareth Bale ត្រូវក្លឹបរំពឹងមកជំនួសកន្លែងរបស់ Ronaldo តែគេមិនទាន់ធ្វើបានល្អនៅឡើយ ខណៈ Vinicius Junior នៅក្មេងខ្ចី។
អំឡុងពេលលេងនៅអេស្ប៉ាញ Ronaldo គឺជាម៉ាស៊ីនរកគ្រាប់របស់ក្រុម ហើយគេក៏ជាចំណុចប្រយុទ្ធចាំបាច់ ពោលមិត្តរួមក្រុមទាំងអស់តែងតែសម្លឹងមើលគេពេលដែលកាលៈទេសៈត្រូវបញ្ចប់ទី។ បញ្ហាធំរបស់ក្លឹបមួយទៀតគឺមិនចំណាយលុយទិញកីឡាករសម្បូរបទពិសោធន៍ចូលថ្មី ដោយប្រឹងបណ្ដុះទុកឱកាសយុវជនក្មេងៗ។
មើលកំណត់ត្រា ៨រដូវកាលចុងក្រោយ ពេល Ronaldo នៅជាមួយ Real តើបានជួយក្រុមឡើងដល់វគ្គណាខ្លះនៅ UCL?
២០១០-២០១១៖ ឈានដល់ពាក់កណ្ដាលផ្ដាច់ព្រ័ត្រ
២០១១-២០១២៖ឈានដល់ពាក់កណ្ដាលផ្ដាច់ព្រ័ត្រ
២០១២-២០១៣៖ ឈានដល់ពាក់កណ្ដាលផ្ដាច់ព្រ័ត្រ
២០១៣-២០១៤៖ ឈ្នះជើងឯក
២០១៤-២០១៥៖ឈានដល់ពាក់កណ្ដាលផ្ដាច់ព្រ័ត្រ
២០១៥-២០១៦៖ឈ្នះជើងឯក
២០១៦-២០១៧៖ឈ្នះជើងឯក
២០១៧-២០១៨៖ឈ្នះជើងឯក