Neymar ថាបាល់ទី៣របស់ Man Utd មិនសមជាបាល់ប៉េណាល់ទីសោះ
- 2019-03-07 02:10:13
- ចំនួនមតិ 0 | ចំនួនចែករំលែក 0
Neymar ថាបាល់ទី៣របស់ Man Utd មិនសមជាបាល់ប៉េណាល់ទីសោះ
ចន្លោះមិនឃើញ
Neymar បានហៅការសម្រេចចិត្តរបស់អាជ្ញាកណ្ដាលថាជារឿង "អាម៉ាស់" ដែលផ្ដល់បាល់ប៉េណាល់ទីចុងម៉ោងឲ្យ Manchester United វាយបកទម្លាក់ Paris Saint Germain នៅ UEFA Champions League។
កាលពីជើងទីមួយ Paris បានយកឈ្នះ ២-០ នៅ Old Trafford ធ្វើឲ្យក្ដីសង្ឃឹមឡើងវគ្គ៨ក្រុមរបស់ពួកគេសឹងតែមាន៩០%ទៅហើយ តែប្រកួតយប់មិញ Man Utd បានយកឈ្នះ Paris ៣-១ វិញដើម្បីឡើងវគ្គបន្តដែលគ្មាននរណានឹកស្មានដល់ទាល់តែសោះ។
យ៉ាងណា Neymar ដែលអង្គុយមើលក្រុមរបស់ខ្លួនលេងពីកន្លែងអ្នកគាំទ្របានប្រតិកម្មចំពោះបាល់ប៉េណាល់ទីរបស់ Marcus Rashford ថាមិនសក្ដិសមទាល់តែសោះ។ "តើអាជ្ញាកណ្ដាលពិន័យបាល់នោះដោយរបៀបណា? វាប៉ះខ្នង មិនមែនដៃទេ" ខ្សែប្រយុទ្ធវ័យ២៧ឆ្នាំបង្ហោះលើ Instagram ដូច្នេះ។
គួររម្លឹកថា លទ្ធផលសរុបរបស់ក្រុមទាំងពីរគឺ ៣-៣ ប៉ុន្តែ Manchester United ឡើងដោយយោងតាមរូបមន្ត Away Goal គឺមានបាល់ក្រៅដីច្រើនជាងរហូត៣គ្រាប់៕