អស្ចារ្យមែន! ក្រុមស្រីស្អាតដ៏ល្បីរបស់ថៃ BNK48 ចេះច្រៀងភាសាខ្មែរបទ "ស្នេហ៍ឆ្លងវេហា" ទៀត!
- 2019-03-07 08:27:39
- ចំនួនមតិ 0 | ចំនួនចែករំលែក 0
អស្ចារ្យមែន! ក្រុមស្រីស្អាតដ៏ល្បីរបស់ថៃ BNK48 ចេះច្រៀងភាសាខ្មែរបទ "ស្នេហ៍ឆ្លងវេហា" ទៀត!
ចន្លោះមិនឃើញ
ក្រុមតារាចម្រៀងស្រីល្បីឈ្មោះបំផុតមួយរបស់ថៃ BNK48 បានបង្ហាញខ្លួននៅប្រទេសកម្ពុជាលើកដំបូងបំផុតនាថ្ងៃម្សិលមិញ ដើម្បីចុះកិច្ចព្រមព្រៀងគ្នាជាផ្លូវការជាមួយស្ថានីយទូរទស្សន៍ប៉ុស្តិ៍លេខ៥។
នៅក្នុងកម្មវិធីចុះហត្ថលេខានោះ ក្រុមស្រីស្អាត បានសម្ដែងជូនអ្នកគាំទ្ររបស់ពួកគេ ដោយច្រៀងរាំបទចម្រៀងជាច្រើនបទ សុទ្ធជាបទ ទទួលបានការពេញនិយម ស្របពេលពួកគេ ក៏ទើបនឹងចេញវីដេអូចម្រៀងថ្មីរបស់ពួកគេ "Beginner” ផងដែរ។
គួរឲ្យចាប់អារម្មណ៍ ក្រុមដែលមានសមាជិកដល់ទៅ ៥១នាក់(មកកម្ពុជា៦នាក់)នោះ បានរួមគ្នាច្រៀងបទចម្រៀងរបស់ខ្មែរយើងមួយបទមានចំណងជើងថា "ស្នេហ៍ឆ្លងវេហា" សំនៀងដើមលោក ស៊ិន ស៊ីសាមុត និងអ្នកស្រី ឌី សាវ៉េត ដោយដកស្រង់ចេញពីភាពយន្តរឿង "ជីវិតផ្សងព្រេង" ដែលមានពាក់ព័ន្ធនឹងប្រទេសទាំងពីរ កម្ពុជា-ថៃ។
តំណាងក្រុម BNK48 កញ្ញា Cherprang បានឲ្យដឹងថា ទម្រាំបានច្រៀងបទចម្រៀងខ្មែរមួយបទនេះបានប៉ុណ្ណេះ ពួកគេបានរៀនច្រៀងរយៈពេល១សប្ដាហ៍ឯណោះ។ Cherprang បញ្ជាក់ថា ពួកគេចិត្តបទចម្រៀងនេះ ទើបនាំគ្នាច្រៀង និងបានតាំងចិត្តទៀតថា ក្រោយពេលត្រឡប់ទៅប្រទេសកំណើតវិញ នាងនឹងខិតខំរៀនបទចម្រៀងរបស់ខ្មែរផ្សេងៗបន្តបន្ទាប់ទៀតនាពេលខាងមុខ។
តោះ...មើលទស្សនាទាំងអស់គ្នា ពួកគេច្រៀងបទយើងបានល្អប៉ុណ្ណា!