ពាន ISF Lan Thompson បង្កើតឡើងសម្រាប់រំលឹកដល់បុរសស្រលាញ់បាល់ទាត់ម្នាក់

2019-03-11 08:00:08
ចំនួនមតិ 0 | ចំនួនចែករំលែក 0

ចន្លោះមិនឃើញ

អង្គការផ្កាយសមុទ្រ បានបង្កើតពានរង្វាន់ Lan Thompson កាលពីថ្ងៃទី៩ខែមីនាឆ្នាំ២០១៩កន្លងទៅនេះ ដើម្បីរំលឹកដល់លោក Lan Thompson បុគ្គលដែលស្រលាញ់បាល់ទាត់បំផុត។

លោក Alistair Thompson កំពុងនិយាយ

ពានរង្វាន់ខាងលើមានក្រុមចូលរួម៤២ក្រុម បែងចែកជាក្មេងក្រោមអាយុ១៤ឆ្នាំ និង១០ឆ្នាំ។ វាជាការប្រកួតមួយដែលធ្វើឡើង៦ឆ្នាំមកហើយ ក្នុង១ឆ្នាំធ្វើម្ដង ដើម្បីរំលឹកដល់លោក Lan Thompson ដែលបានទទួលមរណភាពកាលពីឆ្នាំ២០០១។ លោក Alistair Thompson ដែលជាកូនប្រុសរបស់លោក Lan បង្ហើបថាឪពុករបស់ខ្លួនមិនមែនជាកីឡាករបាល់ទាត់អ្វីទេ ប៉ុន្តែលោកជាអ្នកចូលចិត្តវិស័យកីឡាបាល់ទាត់ខ្លាំងណាស់។ ដូច្នេះហើយ ដើម្បីរំលឹកនិងបំពេញបំណងឪពុក ទើបលោកសម្រេចផ្ដួចផ្ដើមកម្មវិធីប្រកួតបាល់ទាត់ក្មេងៗនេះឡើង។

មិនមែនមានតែនៅកម្ពុជានោះទេ លោក Alistair បានបង្កើតការប្រកួតបាល់ទាត់ពានរង្វាន់យុវជននេះជាមួយអង្គការនៅតាមបណ្ដាប្រទេសផ្សេងៗទៀតផងដែរ។ វាជាការជួយដល់វិស័យបាល់ទាត់ថ្នាលយុវជនផង និងបានរំលឹកដល់ឪពុករបស់លោកផង។ សម្រាប់នៅកម្ពុជាវិញ លោកបានចាប់ដៃគូជាមួយអង្គការផ្កាយសមុទ្រ ដើម្បីបង្កើតការប្រកួតនេះឡើងតាំងពីឆ្នាំ២០១៤មក៕

អត្ថបទ៖ មុន្នីរម្យ