បណ្ណាល័យអេឡិចត្រូនិច បង្កប់សៀវភៅស្រាវជ្រាវរាប់ពាន់ក្បាល យុវវ័យមិនគួររំលង
- 2019-03-12 04:35:00
- ចំនួនមតិ 0 | ចំនួនចែករំលែក 0
បណ្ណាល័យអេឡិចត្រូនិច បង្កប់សៀវភៅស្រាវជ្រាវរាប់ពាន់ក្បាល យុវវ័យមិនគួររំលង
ចន្លោះមិនឃើញ
elibraryofcambodia ឬបណ្ណាល័យអេឡិចត្រូនិច ជាបណ្ណាល័យបែបទំនើប មានឯកសារសម្រាប់ស្រាវជ្រាវរាប់ពាន់ក្បាល និងមេរៀនថ្នាក់វិទ្យាល័យសម្រាប់ត្រៀមប្រលងបាក់ឌុប ដែលយុវវ័យមិនគួរមើលរំលងនោះទេ។
បណ្ណាល័យអេឡិចត្រូនិច ប្រមូលផ្ដុំទៅដោយឯកសារប្រភេទ Ebook ជាច្រើនប្រភេទដូចជា នយោបាយ ប្រលោមលោក ចិត្តសាស្រ្ត កិច្ចព្រមព្រៀង សេចក្តីអំពាវនាវ កំណាព្យ តន្ត្រី សៀវភៅថ្នាក់អនុវិទ្យាល័យ និងវិទ្យាល័យគ្រប់កម្រិតសម្រាប់យុវវ័យស្រាវជ្រាវ ដោយគ្រាន់តែវាយពាក្យ elibraryofcambodia លើ Browser ទូរសព្ទគឺអាចចុចអានបានគ្រប់ពេលវេលា។
ចំពោះគោលបំណងរបស់បណ្ណាល័យអេឡិចត្រូនិកខ្មែរ គឺចង់ប្រមូលសម្បត្តិវប្បធម៌ខ្មែរ មានអក្សរសាស្ត្រ ប្រពៃណី ដែលឆ្លាក់នៅលើផ្ទាំងសិលា សាស្ត្រាស្លឹករឹត សៀវភៅ និងបានថត ជារូបភាព ឬ សំឡេង មកចងក្រងទុកលើបណ្ណាល័យអេឡិចត្រូនិកខ្មែរ ដើម្បីកុំឲ្យបាត់បង់។ ម្យ៉ាងទៀតវាក៏ជួយឲ្យកូនខ្មែរអាចស្វែងយល់ពីវប្បធម៌និងប្រពៃណីសម្បូរបែបបន្សល់ទុកតាំងពីអតីតកាល ដោយមិនបាច់ចំណាយអស់មួយរៀលឡើយ៕
អានអត្ថបទបន្ត៖