វៀតណាមខាងត្បូង រងការគំរាមកំហែងពីរលកកម្ដៅខណៈសីតុណ្ហភាពហក់ឡើងខ្ពស់
- 2019-03-13 02:48:06
- ចំនួនមតិ 0 | ចំនួនចែករំលែក 0
វៀតណាមខាងត្បូង រងការគំរាមកំហែងពីរលកកម្ដៅខណៈសីតុណ្ហភាពហក់ឡើងខ្ពស់
ចន្លោះមិនឃើញ
វៀតណាមខាងត្បូង ត្រូវបានព្យាករណ៍ថានឹងរងការគំរាមកំហែងពីរលកកម្ដៅនាសប្ដាហ៍នេះខណៈដែលជាតិអំបិលខ្ពស់ក្នុងដីអាចនឹងបង្កគ្រោះថ្នាក់ដល់រុក្ខជាតិទឹកសាប។
យោងតាមភ្នាក់ងារអាកាសធាតុនៅភាគខាងត្បូងឲ្យដឹងថា សីតុណ្ហភាពនឹងហក់ឡើងដល់ ៣៦អង្សានៅសប្ដាហ៍នេះ ហើយសំណើមក្នុងខ្យល់នឹងធ្លាក់ចុះទាប។ ខេត្តដែលទទួលរងឥទ្ធិពលនេះ មានដូចជាខេត្ត Binh Phouc, Dong Nai និងTay Ninh ខណៈដែលទីក្រុងហូជីមិញ, ឡុងអាន, Can Tho និង Vinh Long មានសីតុណ្ហភាព ៣៥អង្សា។
ជាមួយគ្នាដែរ តំបន់ជាច្រើនក្នុងប្រទេសវៀតណាម មិនមានភ្លៀងធ្លាក់អស់រយៈពេល ២ខែមកហើយដែលបណ្ដាលឲ្យប៉ះពាល់ដល់វិស័យកសិកម្ម និងព្រៃឈើ ក៏ដូចជាជាតិអំបិលក្នុងដីបានកើនឡើងជាង ៤០គីឡូម៉ែត្រនៅតាមស្ទឹងនៃខេត្ត Ben Tre៕