មិនចេះតិច! កម្ទេចផលិតផលក្លែងក្លាយ-ខុសច្បាប់ជាង ៧០តោន ក្នុងនោះមានថ្នាំពេទ្យទៀត
- 2019-03-13 03:21:27
- ចំនួនមតិ 0 | ចំនួនចែករំលែក 0
មិនចេះតិច! កម្ទេចផលិតផលក្លែងក្លាយ-ខុសច្បាប់ជាង ៧០តោន ក្នុងនោះមានថ្នាំពេទ្យទៀត
ចន្លោះមិនឃើញ
ផលិតផលក្លែងក្លាយ-ខុសច្បាប់ និងខូចគុណភាពប្រមាណជាជាង៧០តោន ត្រូវបានកម្ទេចចោលកាលពីថ្ងៃទី ១២ ខែមីនា ២០១៩ ម្សិលមិញនេះ។ នៅឯពិធីកម្ទេចចោល មានការចូលរួមជាអធិបតីភាពដ៏ខ្ពង់ខ្ពស់ពី សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលបានរៀបចំនៅតាមបណ្ដោយផ្លូវ ៦០ម៉ែត្រ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
យោងតាមខ្លឹមសារដែលបានចែកជូនដល់អ្នកសារព័ត៌មាន បានឲ្យដឹងថា ក្នុងចំណោមផលិតផលក្លែងក្លាយ-ខុសច្បាប់ ជាង៧០តោននេះ រួមមាន៖ ថ្នាំពេទ្យក្លែងក្លាយចំនួន ១០៦មុខ ស្មើនឹង ៤០០គីឡូក្រាម ទឹកសុទ្ធ ចំនួន៥.៥២០កេស ស្មើនឹង ៦២ ៦៤០គីឡូក្រាម និងផលិតផលជីកសិកម្មចំនួន ៧ ៧៥០ គីឡូក្រាម ក្រោយពីគណៈកម្មាធិការធ្វើប្រតិបត្តិការបង្ក្រាបនាពេលកន្លងមក ហើយត្រូវបានតុលាការ អនុញ្ញាតឲ្យឲ្យគណៈកម្មាធិការ ធ្វើការកម្ទេចចោលនៅពេលនេះ។
ពិធីរៀបចំនៃការកម្ទេចចោលផលិតផលក្លែងក្លាយ-ខុសច្បាប់នេះ រៀបចំឡើងដោយ គណៈកម្មាធិការប្រយុទ្ធប្រឆាំងផលិតផល ក្លែងក្លាយ និងមានការអញ្ជើញចូលរួមពីសំណាក់ថ្នាក់ដឹកនាំក្រសួងពាក់ព័ន្ធ តំណាងអង្គទូត ស្ថាប័នតុលាការ អង្គភាពនានា អាជ្ញាធរដែនដី គ្រប់ជាន់ថ្នាក់ និងវិស័យឯកជនជាតិ-អន្តរជាតិ មួយចំនួនទៀត។
សូមទស្សនាទិដ្ឋភាពទាំងស្រុងខាងក្រោម នៃការកម្ទេចចោលផលិតផលក្លែងក្លាយ-ខុសច្បាប់៖