ស្ថិតិខ្លះៗសម្រាប់ការប្រកួត ២គូចុងក្រោយនៅវគ្គ ១៦ក្រុម UCL
- 2019-03-13 13:59:27
- ចំនួនមតិ 0 | ចំនួនចែករំលែក 0
ស្ថិតិខ្លះៗសម្រាប់ការប្រកួត ២គូចុងក្រោយនៅវគ្គ ១៦ក្រុម UCL
ចន្លោះមិនឃើញ
ខាងក្រោមនេះជា ស្ថិតិខ្លះៗសម្រាប់ការប្រកួតជើងទី ២ របស់ ២គូចុងក្រោយ នៅវគ្គ ១៦ក្រុម UEFA Champions League៖
Bayern Munich ប៉ះនឹង Liverpool
១. Bayern ខកខានរកគ្រាប់បាល់តែម្ដងគត់ ចំណោម ២៦ប្រកួតចុងក្រោយ នៅ Champions League ក្នុងទឹកដីរបស់ពួកគេ (ស្មើដោយគ្មានគ្រាប់ជាមួយនឹងក្លឹប Sevilla កាលពីរដូវកាល ២០១៧/១៨)។
២. Bayern ធ្លាក់ត្រឹមវគ្គ ១៦ក្រុម UEFA Champions Leauge ចុងក្រោយគេគឺនៅរដូវកាល ២០១០/១១ ដោយសារតែ Inter Milan ទម្លាក់។
៣. ខ្សែប្រយុទ្ធ Bayern Munich កីឡាករ Robert Lewandowski រកគ្រាប់បាល់បាន ២៣គ្រាប់ ក្នុងចំណោមការបង្ហាញខ្លួនចំនួន ២២ដង គ្រប់កម្មវិធិនៅក្នុងកីឡដ្ឋាន Allianz Arena។
៤. ខ្សែប្រយុទ្ធទាំង ៣ របស់ Liverpool ដែលមានដូចជា Mohamed Salah, Sadio Mane និង Robert Firmino រកបានតែ ១គ្រាប់គត់ ក្នុងចំណោមការស៊ុតរួមគ្នាសរុប ៣៣ជើងក្នុងប្រកួតទ្វីបអឺរ៉ុប។
Barcelona ប៉ះនឹង Lyon
១. Barcelona ឈ្នះទាំងអស់ ៣ប្រកួត ក្នុងចំណោមប្រកួតក្នុងដីក្លឹបសហរដ្ឋអាមេរិក Lyon ដោយរកបាន ១០គ្រាប់ និងរងគ្រាប់បាល់វិញចំនួន ២គ្រាប់ប៉ុណ្ណោះ។
២. Lyon ស្មើ ៦ដង ក្នុង៦ប្រកួតចុងក្រោយ UEFA Champions League ដែលតាមស្មើកំណត់ត្រារបស់ក្លឹប AEK Athens (រដូវកាល ២០០២/០៣) និងក្លឹប Rangers (រដូវកាល ២០០៥/០៦)។
៣. ខ្សែប្រយុទ្ធក្លឹប Barcelona កីឡាករ Lionel Messi រកគ្រាប់បាល់បាន ៦០គ្រាប់ ក្នុង៦០ប្រកួតចុងក្រោយក្នុងកីឡដ្ឋាន Camp Nou តែកីឡាកររូបនេះខកខានស៊ុតចូល ឬ Assist ឲ្យមិត្តរួមក្រុមនៅក្នុង ៨ប្រកួត ចំណោម ១១ប្រកួតនៃវគ្គចាញ់ធ្លាក់របស់ Champions League។
៤. Barcelona មិនបានឡើងទៅវគ្គបន្ត លើកចុងក្រោយបង្អស់ក្នុងរដូវកាល ២០០៦/០៧ ដែលទម្លាក់ដោយក្លឹប Liverpool៕