ធ្លាយទាំងរូបរាង និងកម្លាំងម៉ាស៊ីន Black Shark 2 មុនប្រកាសផ្លូវការនៅសប្តាហ៍ក្រោយ

2019-03-14 00:51:46
ចំនួនមតិ 0 | ចំនួនចែករំលែក 0

ចន្លោះមិនឃើញ

Black Shark ដែលជាក្រុមហ៊ុនសម្ព័ន្ធរបស់ Xiaomi បានត្រៀមរួចជាស្រេចក្នុងការចេញផ្សាយ Gaming Smartphone ម៉ូឌែលថ្មី Black Shark 2 នាថ្ងៃទី១៨ ខែមីនា ឆ្នាំ ២០១៩។ មុនការប្រកាសប៉ុន្មានថ្ងៃ ក៏ស្រាប់តែមានការបញ្ជាក់ជាមុនពីលក្ខណៈសម្បត្តិមួយផ្នែកតូច និងវីដេអូបង្ហាញឈុតខ្លីៗនៅលើបណ្តាញសង្គម។

នាយកប្រតិបត្តិលោក Peter Wu បានចែកចាយនូវរូបភាពមួយសន្លឹកលើ Weibo ដោយបញ្ជាក់យ៉ាងច្បាស់ថា Black Shark 2 នឹងមានបំពាក់បន្ទះឈីបជំនាន់ចុងក្រោយ Qualcom Snapdragon 855 ជាមួយ RAM ទំហំ 12GB ។ បន្សំពីនេះទៀតក៏នឹងបង្កើនល្បឿនដំណើរការលឿនជាងមុនប្រមាណ ៦០ ភាគរយ ជាមួយប្រព័ន្ធបញ្ចុះកម្តៅ Liquid Cool 3.0។

លក្ខណៈសម្បត្តិមួយផ្នែកផ្សេងទៀតចេញពី AnTuTu ធ្លាប់រាយការណ៍កន្លងទៅថាម៉ូឌែលក្រោយនេះ នឹងប្រើប្រាស់អង្គផ្ទុកទំហំ 128GB មានកម្រិតបង្ហាញរូបភាពលើអេក្រង់ ២ ៣៤០x ១ ០៨០ ភីកសែល។ អ្វីដែលពិសេសអតិថិជនក៏រំពឹងនឹងមានជម្រើសក្នុងការជ្រើសរើសយកជំនាន់ធូរថ្លៃ RAM 8GB ផងដែរ។

ឈុតឆាក Trailer នៃការផ្សព្វផ្សាយ Black Shark 2 ក៏បានចេញផ្សាយដូចគ្នា សូមទស្សនាដូចខាងក្រោម៖