ប្រភេទ iPhone ដំឡើងថ្មីដូចគ្នា តែក្រុមហ៊ុនមួយដាក់លក់ធូរថ្លៃជាង Apple ខ្ទង់ ១ សន្លឹក

2019-03-14 02:48:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទូរសព្ទ iPhone ដំឡើងថ្មីដែលយើងហៅកាត់ថាផលិតផល Refurbished បច្ចុប្បន្នក៏កំពុងទទួលបានការពេញនិយម បន្ទាប់ពី Apple ដាក់លក់ជាហូរហែជាមួយតម្លៃទាបនិងគុណភាពប្រហាក់ប្រហែលរបស់ថ្មី។

ទៅមើលក្រុមហ៊ុន Remade ក៏ចាប់ដើរតាមគន្លងមួយនេះ ដោយមានពាក្យស្លោកប្រចាំត្រកូលរបស់ខ្លួន "ភាពល្អប្រសើរជាងម៉ាស៊ីន Refurbished"។ ក្រុមហ៊ុនមានមូលដ្ឋាននៅប្រទេសបារាំងបានដើរប្រមែប្រមូល iPhone ខូចៗយកមកកែច្នៃឡើងវិញ ដោយផ្លាស់ចោលរាល់ផ្នែកដែលមានបញ្ហានិងដោះសំបកអាលុយមីញ៉ូមខ្នងក្រោយ ច្នៃទៅជាពណ៌ប្លែកពីគ្នា។

សព្វថ្ងៃការច្នៃសំបកពណ៌ខ្នងក្រោយមានតែលើម៉ូឌែល iPhone 6 ឬ iPhone 7 ដោយប្រភេទសារធាតុកញ្ចក់មានលើ iPhone X និង iPhone 8 ខាងក្រុមហ៊ុនក៏កំពុងស្ថិតក្នុងដំណើរការចង្វាក់ផលិតកម្មតេស្តសាកល្បងនៅឡើយ។ នេះបើយោងតាមអ្នកតំណាង Remade បានប្រាប់ MacWorld នៅពិព័រណ៍ MWC នាពេលកន្លងទៅ។

ពិសេសបំផុតនោះ Remade ក៏មានធានាមួយឆ្នាំលើផលិតផលដែលខ្លួនលក់ចេញទៅ។ ចំពោះតម្លៃ ក្រុមហ៊ុន Remade ដាក់លក់ iPhone 7 ទំហំ 32GB ថ្លៃប្រមាណ ៥០៥ ដុល្លារ ធៀបនឹងម៉ាស៊ីន Refurbised មូឌែលដដែលរបស់ Apple ថ្លៃ ៥៩៥ ដុល្លារ ពោលគឺអតិថិជនអាចចំណេញលើការចំណាយប្រមាណ ៣០ ទៅ ៤០ ភាគរយ។