ប្រជាជនវេណេហ្ស៊ុយអេឡា នាំគ្នាត្រងទឹកលូទុកប្រើប្រាស់ក្រោយដាច់ភ្លើងទូទាំងប្រទេស (មានវីដេអូ)
- 2019-03-14 03:32:01
- ចំនួនមតិ 0 | ចំនួនចែករំលែក 0
ប្រជាជនវេណេហ្ស៊ុយអេឡា នាំគ្នាត្រងទឹកលូទុកប្រើប្រាស់ក្រោយដាច់ភ្លើងទូទាំងប្រទេស (មានវីដេអូ)
ចន្លោះមិនឃើញ
ប្រជាជនវេណេហ្ស៊ុយអេឡា កំពុងជួបវិបត្តិធ្ងន់ធ្ងរក្រោយពេលដាច់ភ្លើងទូទាំងប្រទេសចាប់តាំងពីថ្ងៃព្រហស្បតិ៍សប្ដាហ៍មុនខណៈដែលនៅតែមិនទាន់មានដំណោះស្រាយសមស្របនៅឡើយ។
យោងតាមវីដេអូមួយបង្ហាញថា ប្រជាជនជាច្រើនត្រូវបង្ខំចិត្តនាំគ្នាទៅត្រងទឹកលូសម្រាប់ទុកប្រើប្រាស់ខណៈដែលភ្លើងបន្ដដាច់អស់រយៈពេល១សប្ដាហ៍។ ចំណែកឯមន្ត្រីឲ្យដឹងថា ប្រសិនបើគ្មានអគ្គិសនី នោះទឹកមិនអាចបូមសម្រាប់ផ្គត់ផ្គង់តាមផ្ទះនីមួយៗនោះទេ ជាហេតុធ្វើឲ្យប្រជាជនបង្ខំចិត្តទៅត្រងទឹកពីទន្លេ, បំពង់បង្ហូរទឹក និងទឹកលូជាដើម។ ក្រោយរយៈពេល ៦ថ្ងៃដោយគ្មានទឹក ប្រជាជនរអ៊ូរទាំខ្លាំងដោយអ្នកខ្លះថាមិនអាចងូតទឹកគ្រប់គ្រាន់, មិនអាចលាងចាន និងបង្គន់មានក្លិនស្អុយដោយសារគ្មានទឹកចាក់។
ជាមួយគ្នាដែរ វេណេហ្ស៊ុយអេឡាកំពុងព្រួយបារម្ភពីការរាតត្បាតនៃជំងឺផ្សេងៗដោយសារការប្រើប្រាស់ទឹកមិនស្អាត។ ប្រជាជនដែលនាំគ្នាទៅត្រងទឹកលូទាំងនោះឲ្យដឹងថា ទឹកត្រូវបានបង្ហូរដោយអាជ្ញាធរក្នុងតំបន់ពីអាងស្ដុកទឹក ប៉ុន្តែដោយសារវាហូរតាមបំពង់ដែលកខ្វក់ទើបអាចបណ្ដាលឲ្យមានមេរោគ។
ក្រៅពីកង្វះខាតទឹកស្អាតប្រើប្រាស់ ការដាច់ភ្លើងនៅវេណេហ្ស៊ុយអេឡាក៏បណ្ដាលឲ្យអ្នកជំងឺយ៉ាងហោច ១៧នាក់ស្លាប់ផងដែរដោយភាគច្រើនមានបញ្ហាតម្រងនោមធ្ងន់ធ្ងរ ដោយសារតែការផ្គត់ផ្គង់ថាមពលអគ្គិសនីដល់កន្លែងវេជ្ជសាស្រ្តត្រូវបានកាត់ផ្ដាច់៕
សូមទស្សនាវីដេអូខាងក្រោម ៖
ចុចអាន ៖