ទីបំផុត Messi បានលេងនៅតំបន់ដែលគ្រប់គ្នាគិតថាសាកសម
- 2019-03-17 00:38:38
- ចំនួនមតិ 0 | ចំនួនចែករំលែក 0
ទីបំផុត Messi បានលេងនៅតំបន់ដែលគ្រប់គ្នាគិតថាសាកសម
ចន្លោះមិនឃើញ
តារាឆ្នើមរបស់ក្លឹប Barcelona បានលេងនៅតំបន់ខុសៗគ្នាជាច្រើនអស់ច្រើនឆ្នាំ ប៉ុន្តែទីបំផុត ថ្មីៗនេះ Messi បានលេងនៅតំបន់ដែលគ្រប់គ្នាគិតថាសាកសម ធ្វើឲ្យកីឡាករអាហ្សង់ទីនកាន់តែមានឥទ្ធិពលនៅលើសមរភូមិវាលស្មៅ ប្រៀបដូចមនុស្សភពផ្សេង។
វាជាការរង់ចាំរហូតដល់១៥ឆ្នាំ សរុបជាង ៨០០ ប្រកួតក្នុងអាជីពជាកីឡាករ និង បញ្ជីគ្រូបង្វឹកត្រូវប្តូរហូរហែទម្រាំម្ចាស់ពាន Ballon d'Or ៥សម័យកាលអាចលេង លើសពីខ្សែបម្រើ និង ខ្សែប្រយុទ្ធ ប៉ុន្តែជា playmaker។
ប៉ុន្តែហេតុអ្វីបានជាត្រូវរង់ចាំយូរដល់ថ្នាក់នេះ?
ប្រហែលដោយសារ Messi ល្អពេក។ ប្រធានក្រុមជម្រើសជាតិអាហ្សង់ទីន ត្រូវបានគេចាត់ទុកថា មិនត្រឹមតែជាអ្នកស្នងតំណែង Diego Maradona នោះទេប៉ុន្តែគឺជាកីឡាករនាំលេងដូចជា Juan Roman Riquelme និង Pablo Aimar និង ក្រោយមកបានក្លាយជា Messi ដែលគ្រប់គ្នាស្គាល់។
ដោយសារជាកីឡាករល្បឿនលឿន ដូច្នោះគ្រូបង្វឹកជាច្រើនគិតថាតំបន់កណ្តាលមិនសាកសមនឹងកីឡាករវ័យ៣១ឆ្នាំទេ ស្របពេលដែល Messi ស៊ាំនឹងលេងស្លាបស្តាំអូសបាល់ពីខ្សែបន្ទាត់ចូលមកតំបន់គ្រោះថ្នាក់ស្រាប់។
Messi ក្រោមសម័យកាល Pep Guardiola
កាលពីនៅវ័យជាង២០ឆ្នាំ Messi បានក្លាយទៅជាកីឡាករ "លេខ៩មិនពិត" ពោលគឺប្រយុទ្ធក៏មិនចំ បម្រើស្លាបក៏មិនចំ ហើយក្រោមសម័យកាល Pep Guardiola ការស៊ុតបញ្ចូលទីបានក្លាយជាភាពលេចធ្លោរបស់ Messi។ រដូវកាល ២០១១-១២ គេបានស៊ុតបញ្ចូលទី៥០គ្រាប់នៅ La Liga។ ដូច្នេះកីឡាករកម្ពស់១,៧ ម៉ែត្រ មិនចាំចាច់ធ្វើជា Maradona ឬ Aimar ព្រោះ Xavi និង Andres Iniesta បានលេងនៅពីក្រោយគាត់។
Messi បានរក្សាតំណែងជាខ្សែប្រយុទ្ធច្រើនជាងអ្នកនាំលេងអស់ជាច្រើនឆ្នាំ បើទោះជា Guardiola ចាកចេញក៏ដោយ។
តំណែង Messi បរាជ័យក្រោម Luis Enrique
Luis Enrique ប្រើប្រព័ន្ធ ៤-៣-៣ ដោយបានដាក់ Luis Suarez លេងស្លាបស្តាំ ជាតំបន់ដែល Messi ធ្លាប់ធ្វើបានយ៉ាងល្អហើយដាក់ Messi ប្រយុទ្ធវិញ។ ជាលទ្ធផល ប្រព័ន្ធនោះបរាជ័យ។
ប៉ុន្តែចាប់តាំងពីរដូវក្តៅឆ្នាំមុនមក Barçaលេងបានយ៉ាងល្អជាមួយប្រព័ន្ធ ៤-៤-១-១ ឬ ៤-៤-២ ដោយទុកឱ្យ Messi និង Suarez ធ្វើការរួមគ្នានៅខាងលើ បន្ទាប់ពី Neymar ចាកចេញទៅកាន់ Paris Saint-Germain ។
Messi កាន់តែខ្លាំងនៅពេលលេងតំណែងដែលគ្រប់គ្នាគិតថាសាកសម
រហូតមកដល់ឆ្នាំ ២០១៧ Ernesto Valverde បានផ្លាស់ប្តូរប្រព័ន្ធ នៅពេលលោកជំនួស Enrique ហើយ Messi ដែលកាលណោះមានវ័យ៣០ ល្បឿនយឺតបន្តិច ប៉ុន្តែបច្ចេកទេសចែកបាល់កាន់តែច្បាស់។
កាលពីរដូវកាល ២០១៤-១៥ ក្រោមការដឹកនាំរបស់ Martino កីឡាករអាហ្សង់ទីនបានបង្កើតស្ថិតិគួរឲ្យភ្ញាក់ផ្អើល គិតជាមធ្យម Messi បានប៉ះនិងបញ្ជូនបាល់ ៤៩,៣% ក្នុងការប្រកួត៩០នាទីនៅ La Liga ស៊ុតបាន៤៣គ្រាប់ និង បញ្ជូនឲ្យគេស៊ុតបាន ១៣ លើក។
បច្ចុប្បន្ន Messi កាន់តែធ្វើឲ្យគេភ្ញាក់ផ្អើលជាមួយស្ថិតិគ្រប់គ្រងនិងបញ្ជូនបាល់ រហូតដល់ ៦២,២% ក្នុងការប្រកួត៩០នាទី និងជា top scorers ស៊ុតបាន ២៦គ្រាប់ assists ១២លើក។ Messi ធ្វើបានគ្រប់យ៉ាង មិនថាចុះទៅជួយនៅក្រោម បម្រើស្លាប ចែកបាល់នៅតំបន់កណ្ដាល បង្កើតឱកាសស៊ុត និង រកគ្រាប់បាល់។
វាជាដំណឹងល្អសម្រាប់ Barca ដែលថា Messi នឹងអាចបន្តលេងតំណែង playmaker នេះបានច្រើនឆ្នាំទៅមុខទៀត បើទោះបីជាកម្លាំងធ្លាក់ចុះជាលំដាប់ក៏ដោយ៕