រកចំណូលបានក៏មិនភ្លេចសង្គមដែរ Prince Real Estate ចំណាយ ២ ម៉ឺនដុល្លារបន្ថែម ជួយជនក្រីក្រខេត្តកណ្តាល

2019-03-18 08:23:50
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ១០ ខែមីនា ឆ្នាំ ២០១៩ ក្រុមការងាររបស់អង្គការមូលនិធិសប្បុរសធម៌ Prince Real Estate បានធ្វើដំណើរទៅកាន់ស្រុងអង្គស្នួល ខេត្តកណ្តាល ក្នុងគោលបំណងធ្វើសកម្មភាពសប្បុរសធម៌ដោយផ្តល់អំណោយជាសម្ភារៈ និងថវិកា ដែលស្មើនឹងទឹកប្រាក់សរុបចំនួន ២ម៉ឺនដុល្លារអាមេរិក ជូនដល់ជនក្រីក្រចំនួន ៦៨១ គ្រួសារ។

កម្មវិធីនេះ មានការចូលរួមដោយ ឯកឧត្តម រស់ វណ្ណា រដ្ឋលេខាធិការនៃក្រសួងសាធារណការ និងដឹកជញ្ជូន លោក លី មីញ នាយកប្រតិបត្តិនៃក្រុមហ៊ុន Prince Real Estate Group និងជាអនុប្រធានអង្គការមូលនិធិសប្បុរសធម៌ Prince Real Estate ក៏ដូចជាថ្នាក់ដឹកនាំជាច្រើនរូបទៀត។

ឯកឧត្តម រស់ វណ្ណា រដ្ឋលេខាធិការនៃក្រសួងសាធារណការ និងដឹកជញ្ជូន

ក្នុងនោះឯកឧត្តម រស់ វណ្ណា បានថ្លែងអំណរគុណយ៉ាងស្មោះស្ម័គ្រ ចំពោះការយកចិត្តទុកដាក់របស់អង្គការមូលនិធិសប្បុរសធម៌ខាងលើ ចំពោះក្រុមពលរដ្ឋទន់ខ្សោយនៅខេត្តកណ្តាល និងការចូលរួមយ៉ាងសកម្មក្នុងក្នុងកិច្ចការសប្បុរសនៅកម្ពុជា។ រួមពេលជាមួយគ្នានេះដែរ ឯកឧត្តម ក៏បានអំពាវនាវដល់ជនគ្រប់ជាន់ថ្នាក់ឲ្យចូលរួមចំណែកក្នុងកិច្ចការសប្បុរស ដើម្បីជាកម្លាំងក្នុងការចូលរួមកសាងប្រទេសប្រទេសកម្ពុជាឲ្យកាន់តែប្រសើរឡើង។

លោក លី មីញ បានបញ្ជាក់ថា ក្រៅពីបានចុះសួរសុខទុក្ខ និងផ្ដល់សម្ភារៈនានាដល់ទីតាំងខាងលើ អង្គការមូលនិធិសប្បុរសធម៌ Prince Real Estate បានចុះទៅទីតាំងផ្សេងៗទៀត ស្ទើរគ្រប់ទីកន្លែងនៅកម្ពុជា សរុបជាង ២០០ កន្លែង គិតចាប់តាំងការបង្កើតឡើងរយៈពេល ៣ ឆ្នាំមកនេះ នាពេលកន្លងមក។ លោកបន្ថែមថា ជំនួយ និងសម្ភារៈទាំងនោះ មានចំនួនជាទឹកប្រាក់សរុបប្រមាណ ៦លាន ដុល្លារ។

លោក លី មីញ នាយកប្រតិបត្តិនៃក្រុមហ៊ុន Prince Real Estate Group

ក្រុមហ៊ុន Prince Real Estate Group បានសម្រេចសមិទ្ធិផលយ៉ាងប្រសើរក្នុងរយៈពេល ៤ ឆ្នាំកន្លងមកគិតចាប់តាំងពីក្រុមហ៊ុនរបស់ខ្លួនបានបង្កើតឡើង។ ខណៈខ្លួនមានការអភិវឌ្ឍជាលំដាប់ក្រុមហ៊ុន Prince Real Estate Group ក៏មិនភ្លេចតបស្នងទៅកាន់សង្គមកម្ពុជាវិញ តាមរយៈចូលរួមចំណែកក្នុងការកាត់បន្ថយភាពក្រីក្រ កសាងផ្លូវថ្នល់ ផ្ដល់ជំនួយដល់ការសិក្សាជាថវិកា និងព្យាយាមអស់ពីកម្លាំងកាយចិត្តក្នុងការគាំទ្រ និងការអភិវឌ្ឍកិច្ចការសប្បុរស៕

អត្ថបទ៖ សុខណា

ពាក្យទាក់ទង