កុំច្រឡំថា បើកអាជីវកម្មបាន គឺជាជោគជ័យ
- 2019-03-19 00:00:00
- ចំនួនមតិ 0 | ចំនួនចែករំលែក 0
កុំច្រឡំថា បើកអាជីវកម្មបាន គឺជាជោគជ័យ
ចន្លោះមិនឃើញ
ការចាប់ផ្ដើមដំណើរការអាជីវកម្មមួយទៅបាន អាចចាត់ទុកថា ជាជោគជ័យមួយរបស់សហគ្រិនវ័យក្មេងមួយរូប។ ប៉ុន្តែក្នុងភ្នែកអ្នកជំនួញជើងចាស់ ដែលមានមូលធនធំៗ វាគ្រាន់តែជាការចាប់ផ្ដើមមួយប៉ុណ្ណោះ ហើយងាយណាស់នឹងរលំទៅវិញប្រសិនម្ចាស់អាជីវកម្មហ៊ានតែភ្លេចខ្លួន។
លោកឧកញ៉ា គួច ម៉េងលី បានផ្ដាំទៅយុវជន ដែលកំពុងពុះកញ្ជ្រោលក្នុងការធ្វើជំនួញ ជាពិសេសជំនួញខ្នាតតូច និងមធ្យម សូមកុំឆាប់ចេញប្រលូកទាំងនៅខ្ចីពេក គួរតែរៀនឲ្យបានខ្ពង់ខ្ពស់ ធ្វើការយកបទពិសោធន៍ ស្វែងយល់ពីបរិបទនយោបាយ សង្គម និងសេដ្ឋកិច្ចឲ្យបានស៊ីជម្រៅសិន សឹមឈានជើងចេញរកស៊ីក៏មិនទាន់ហួសពេលដែរ។ ម្ចាស់ក្រុមហ៊ុនវិនិយោគលើវិស័យអប់រំរូបនេះប្រាប់ថា ចាប់ផ្ដើមអាជីវកម្មដំបូងតូចក្ដីធំក្ដីយ៉ាងហោចណាស់ត្រូវមានដើមទន់ខ្ទង់១០ម៉ឺនដុល្លា ទើបអាចធ្វើទៅបានរលូន។ សូមទស្សនាវីដេអូខាងក្រោម៖
សួរថាតើបានលុយច្រើនយ៉ាងនេះមកពីណា?
ការកសាងទំនាក់ទំនង និងទំនុកចិត្ត គឺជាដើមទុនសម្រាប់អ្នក ដែលគ្មានលុយគ្រប់គ្រាន់ក្នុងការដំណើរការអាជីវកម្ម។ អ្នកដាក់ទុនគេមិនមើលថា អ្នកអាចបើកបាន ឬមិនបាននោះទេ គេមើលទៅលើនិរន្តរភាព និងទស្សនវិស័យរបស់អាជីវកម្មថាតើអាចឈរជើងបានយូរទេ ហើយអនាគតទៅអាចពង្រីកខ្លួនបានប៉ុណ្ណា? ជាក់ស្ដែងដូចជា កាហ្វេមីស្ទ័រប៊្រីវ ដែលអាចបើកហាងមួយទំហំជាង ៣០ការ៉េ ទទួលភ្ញៀវបានរាប់ពាន់នាក់ក្នុងមួយថ្ងៃៗ និយាយបានថា យីហោកាហ្វេខ្មែរមួយនេះកំពុងទាញយកចំណែកទីផ្សារពីយីហោបរទេសធំៗ ដែលមានវត្តមានក្នុងរាជធានីភ្នំពេញ។ តាមពិតទៅម្ចាស់កាហ្វេនេះគ្មានលុយឯណាដល់ទៅជិត ៤០ម៉ឺនដុល្លាទេ តែលោកចាយភាពចាស់ទុំក្នុងការរកស៊ី ក្នុងនោះមានទំនាក់ទំនង ទំនុកចិត្ត ការគ្រប់គ្រង ទស្សនវិស័យទៅអនាគត ដូចដែលបានលើកឡើងខាងលើ។
ក្រឡេកមកប្រសាសន៍ លោកឧកញ៉ា ម៉េងលី វិញ បីកត្តាសំខាន់ធ្វើឲ្យជំនួញរីកចម្រើន និងមាននិរន្តរភាពបានមាន ហិរញ្ញវត្ថុ ធនធានមនុស្ស និងបច្ចេកវិទ្យា។ សូមទស្សនាវីដេអូខាងក្រោម៖