មកស្គាល់គ្រូពេទ្យចិត្តធម៌ល្បីជួយអ្នកប្រដាល់ អ្នកសុំទាន និងតាៗធាក់ស៊ីក្លូ

2019-03-20 02:26:28
ចំនួនមតិ 0 | ចំនួនចែករំលែក 0

ចន្លោះមិនឃើញ

បណ្ដាញសង្គម(Facebook)មួយរយៈពេលនេះគេឃើញមានអ្នកប្រដាល់ ឬអ្នកគាំទ្រប្រដាល់ច្រើនស៊ែអំពីគ្រូពេទ្យម្នាក់ ដែលតែងតែជួយកីឡាករមានរបួស ដូចជាបែកមុខមាត់ គ្រេចថ្លោះ ឬបែកកែងដៃជាដើម ហើយមានការគោរពស្រឡាញ់ សរសើរពីទឹកចិត្តរបស់ជនសប្បុរសម្នាក់នោះ។ ឥលូវនេះ សប្បាយ នឹងបង្ហាញអំពីអត្តសញ្ញាណ និងទំហំទឹកចិត្តដែលលោកបានធ្វើកិច្ចការមនុស្សធម៌មួយនេះ។

រូបភាពលោក ណូវែល ផ្តល់អោយ

គ្រូពេទ្យរូបនោះឈ្មោះ **ម៉ុត ណូវែល** អាយុ ៣២ឆ្នាំ ជាអ្នកខេត្តក្រចេះ បច្ចុប្បន្នរស់នៅរាជធានីភ្នំពេញ។ មានមុខរបរបើកគ្លីនិកផ្ទាល់ខ្លួន២កន្លែង ទី១នៅជាប់ផ្លូវជាតិលេខ៣ និងមួយកន្លែងទៀតនេះនៅក្បែរវត្តទួល ក្នុងខណ្ឌឫស្សីកែវ ភ្នំពេញ។

រូបភាពលោក ណូវែល ផ្តល់អោយ

ពេទ្យចិត្តធម៌រូបនេះបានឲ្យដឹងថា អ្វីដែលលោកកំពុងតែធ្វើរាល់ថ្ងៃនេះគឺចេញពីចិត្តអាណិតស្រឡាញ់អ្នកខាងវិស័យប្រដាល់ ដោយសារឃើញអាជីពប្រើកម្លាំងមួយនេះវាពិបាក។ ពួកគេទម្រាំបានចំណូល ពេលខ្លះត្រូវមានរបួសតិច មានច្រើន អ្នកខ្លះទទួលបានលុយបន្តិចបន្តួច បើចំណាយលើការព្យាបាលទៀតនោះចង់អស់ទៅហើយ ដូច្នេះទើបលោកជួយទៅតាមលទ្ធភាពរបស់ខ្លួន។

តាៗធាក់ស៊ីក្លូ

គ្រូពេទ្យដើមកំណើតមកពីក្រចេះខាងលើលើកឡើងទៀតថា ធ្លាប់ជួយកីឡាករ គ្រូប្រដាល់បានច្រើនអ្នកមកហើយចាំមិនអស់នោះទេ ក្រៅតែពីអ្នកកីឡាក៏មានតាៗធាក់ស៊ីក្លូ អ្នករើសអេតចាយ និងអ្នកសុំទានផងដែរ។ ចំពោះការចំណាយទាំងនោះ គឺបានកម្រៃមកពីអ្នកជំងឺមកព្យាបាលនៅកន្លែងរបស់លោក មិនមានអ្នកណាជួយនោះឡើយ។

លោក ម៉ុត ណូវែល

លោក ម៉ុត ណូវ៉ែល ជាគ្រូពេទ្យដែលមានធ្លាប់ជួយអ្នកប្រដាល់ដែលមានរបួសជាច្រើនដូចជា មឿន សុខហ៊ុច រឿង សោភ័ណ្ឌ ព្រឿង សុជាតិ សួន ចាន់នី និងគ្រូប្រដាល់ច្រើនរូបទៀត៕

អត្ថបទ៖ នួន ស៊ីណា