សោកស្ដាយខ្លាំង ! ស្ថានទូតជប៉ុនប្រចាំកម្ពុជាចូលរួមរំលែកទុក្ខជាមួយគ្រួសារសពករណីឃាតកម្មនៅសៀមរាប

2019-03-20 12:04:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថានទូតជប៉ុនប្រចាំនៅព្រះរាជាណាចក្រកម្ពុជាបានបង្ហាញបានចូលរួមរំលែកទុក្ខជាមួយនឹងក្រុមគ្រួសារជនរងគ្រោះក្នុងករណីជនជាតិជប៉ុនពីរនាក់ ជាប់សង្ស័យពាក់ព័ន្ធនឹងអំពើឃាតកម្មនេះទៅលើអ្នកបើកបររថយន្តឈ្នួលកាលពីថ្ងៃទី ១៧ ខែមីនា ឆ្នាំ២០១៩ នៅស្រុកពួកខេត្តសៀមរាប។

តាមរយៈបណ្តាញសង្គម Facebookរបស់ស្ថានទូតមុននេះ លោក Horinouchi ឯករដ្ឋទូតជប៉ុនប្រចាំនៅកម្ពុជាបានសរសេរថា “ខ្ញុំពិតជាក្រៀមក្រំនៅពេលដែលបានឮដំណឹងថាអ្នកបើកបររថយន្តឈ្នួល លោក ហ៊ឹម ចាន់ ត្រូវជនជាតិជប៉ុនពីររូបសម្លាប់កាលពីថ្ងៃទី ១៧ ខែមីនា ឆ្នាំ២០១៩។ ខ្ញុំសូមចូលរួមរំលែកទុក្ខយ៉ាងក្រៀមក្រំចំពោះក្រុមគ្រួសាររបស់លោក។ សូមវិញ្ញាណក្ខន្ធលោកទៅកាន់សុគតិភព”។

ជនរងគ្រោះ ជាជនជាតិខ្មែរ

ជនបង្ក ដែលជាជនជាតិជប៉ុន

ក្រោយករណីឃាតកម្មនេះកើតឡើងជនជាតិជប៉ុនជាច្រើនរូបបានរៃអង្គាសថវិកា ដើម្បីជួយដល់ក្រុមគ្រួសារជនរងគ្រោះ និងចាត់ទុកថា នេះជារឿងដ៏អាម៉ាស់បំផុត ដែលមានមិត្តរួមជាតិរបស់ខ្លួនប្រព្រឹត្តយ៉ាងដូច្នេះមកលើ លោក ហ៊ឹម ចាន់ ហើយធ្វើឲ្យភរិយារបស់អ្នកបើកតាក់ស៊ីរូបនេះ ក្លាយជាស្ត្រីមេម៉ាយដែលត្រូវទទួលបន្ទុកកូនកំព្រា ៤នាក់៕