អ្នកជំនាញ IT ជាច្រើនជុំគ្នាស្វែងយល់ពីសន្ទុះថ្មីនៃ Cisco SD WAN ទើបមកដល់កម្ពុជា

2019-03-21 11:34:32
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីព្រឹកមិញនេះ ក្រុមហ៊ុន Trust Global Service ដែលជាក្រុមហ៊ុនផ្តល់ដំណោះស្រាយបច្ចេកវិទ្យាឈានមុខគេមួយនៅកម្ពុជា បានសហការជាមួយ ក្រុមហ៊ុន Cisco ប្រចាំកម្ពុជា រៀបចំសិក្ខាសាលាមួយ នៅសណ្ឋាគារ Ruffle Le Royal ដើម្បីបង្ហាញពី Cisco SD WAN Architecture ជំនាន់ថ្មី ដែលទើបចូលដល់កម្ពុជា។ សិក្ខាសាលានេះមានអ្នកចូលរួម ៧០នាក់មកពីស្ថាប័នផ្សេងគ្នា ដូចជាក្រុមហ៊ុន ធនាគារ មីក្រូហិរញ្ញវត្ថុ ស្ថាប័នរដ្ឋ និងឯកជន ដែលមានតម្រូវការចាំបាច់ក្នុងការប្រើប្រាស់ប្រព័ន្ធនេះ។

«Cisco SD WAN គឺជាប្រព័ន្ធបច្ចេកវិទ្យាគ្រប់គ្រងទិន្នន័យដ៏ល្បីឈ្មោះមួយដែលត្រូវបានប្រើប្រាស់យ៉ាងទូលំទូលាយទូទាំងពិភពលោក។ សម្រាប់ជំនាន់ថ្មីបំផុតនៃ Cisco SD WAN ត្រូវបានធ្វើឲ្យប្រសើរឡើងច្រើន ដូចជា វាអាចគ្រប់គ្រង WAN LINK បានល្អប្រសើរជាងមុន ,អាចបត់បែនក្នុងការគ្រប់គ្រង ដូចជាឲ្យ Application ផ្សេងគ្នា រត់នៅលើ Link ណាមួយជាក់លាក់ដែលយើងចង់បានដើម្បីឲ្យវារត់បានល្អ និងរហ័ស , ហើយ Management លើប្រព័ន្ធទាំងមូល សាមញ្ញបំផុត បើកាលពីមុនយើងមានឧបករណ៍ភ្ជាប់ (devices) ១០០ យើងត្រូវចូលទៅ Configure ម្តងមួយៗ។ តែតាមរយៈ Cisco SD WAN ថ្មីនេះ យើងគ្រាន់តែ Configure តែម្តងប៉ុណ្ណោះ នៅ Controller រួម មួយ ឬ ប្រព័ន្ធមេមួយ វារហ័សនិងធានសុវត្ថិភាពខ្លាំង» ។ នេះបើតាមការបកស្រាយរបស់លោក ដួង ដុល្លារ Distribution Partner System Engineer នៃ Trust Global Service។

លោកក៏សូមលើកទឹកចិត្តឲ្យងាកមកប្រើ Cisco SD WAN ដោយសារក្រៅពី វាជួយជំរុញទាំងប្រសិទ្ធភាព និងប្រសិទ្ធិផលការងារ ហើយមានតម្លៃមិនខុសពីជំនាន់មុនឡើយ។

លោក ដួង ដុល្លារ Distribution Partner System Engineer នៃ Trust Global Service

ថ្លែងក្នុងឱកាសនោះ លោក អ៉ិន វណ្ណហឿន សមាជិកក្រុមប្រឹក្សាភិបាល និងប្រធានផ្នែកលក់នៃក្រុមហ៊ុន [Trust Global Service](https://www.facebook.com/TrustGlobalService/) បានឲ្យដឹងថា៖«ដោយសារប្រព័ន្ធការងារបច្ចុប្បន្នហាក់មានសន្ទុះកើនឡើងជាលំដាប់ដោយពឹងផ្អែកលើកប្រព័ន្ធ Mobile និង App សំខាន់ដែលប្រើសម្រាប់មុខជំនួញ ហើយការប្រើប្រាស់ Cloud ក៏កាន់តែពេញនិយម។ ក្នុងន័យនេះប្រព័ន្ធហេដ្ឋារចនាសម្ពន្ធពីមុន ពិតជាមិនអាចទុកនៅបន្ត ទៀតបានទេ ក៏ព្រោះ តែកង្វះ Bandwidth ហើយសុវត្ថិភាព internet នៅមានកម្រិត និងស្មុគស្មាញ។ ដូច្នេះការធ្វើបច្ចុប្បន្នលើប្រព័ន្ធគ្រប់គ្រងទិន្នន័យពិតជាមិនអាចខ្វះបាន»។

លោក អ៊ិន វណ្ណហឿន សមាជិកក្រុមប្រឹក្សាភិបាល និងប្រធានផ្នែកលក់នៃក្រុមហ៊ុន Trust Global Service

ក្រុមហ៊ុន Trust Global Service បានបើកដំណើរការជាង ១១ឆ្នាំមកហើយ និងបានវិវឌ្ឍខ្លួនយ៉ាងរហ័សក្លាយជាក្រុមហ៊ុនលំដាប់កំពូលផ្នែក System Integration នៅកម្ពុជា ដោយទទួលស្គាល់ពីក្រសួងពាណិជ្ជកម្មជាក្រុមហ៊ុនខ្នាតធំក្នុងវិស័យបច្ចេកវិទ្យា ដោយបាននាំចូលនូវផលិតផលដែលល្បីល្បាញលើពិភពលោក យកមកផ្គត់ផ្គង់នៅ ក្នុងទីផ្សារកម្ពុជា និងមានក្រុមវិស្វករ ឆ្លងកាត់ការបំពាក់បំប៉នបន្ថែមជំនាញច្បាស់លាស់ ទាំងក្នុង និងក្រៅប្រទេស។ លោកបញ្ជាក់បន្ថែម។

បច្ចុប្បន្ន ក្រុមហ៊ុន Trust Global Service មានសេវាកម្មដូចជា៖ តំឡើងប្រព័ន្ធ Networking, កាមេរ៉ាសុវត្ថិភាព Telephone System IP phone, IT Maintenance 24/7 , Data Center Solution , Wireless Solution , Networking Security , Antivirus , Call Center , ATM , និង UPS ៕