មានតែ ៣ក្លឹបប៉ុណ្ណោះដែលរកបានលើសពី ១០០គ្រាប់ គិតត្រឹមពេលនេះ
- 2019-03-21 14:03:35
- ចំនួនមតិ 0 | ចំនួនចែករំលែក 0
មានតែ ៣ក្លឹបប៉ុណ្ណោះដែលរកបានលើសពី ១០០គ្រាប់ គិតត្រឹមពេលនេះ
ចន្លោះមិនឃើញ
គិតមកទល់ពេលនេះក្នុងរដូវកាល ២០១៨/១៩ មានព្រឹត្តិការណ៍ជាច្រើនបានកើតឡើងក្នុងពិភពបាល់ទាត់មិនថានៅតាមលីគកំពូលនីមួយៗ ឬក្នុងប្រកួតនៅក្របខ័ណ្ឌទ្វីបអឺរ៉ុបទេ។ ប៉ុន្តែបើគេនិយាយពីក្លឹបដែលមានគ្រាប់បាល់ច្រើនវិញ ពេលនេះមានតែ ៣ក្លឹបប៉ុណ្ណោះ ដែលអាចរកបានលើសពី ៣គ្រាប់។
ក្លឹបទាំង ៣នោះ មានដូចជា ក្លឹប Manchester City មកពីប្រទេសអង់គ្លេស ក្លឹប Paris Saint-Germain របស់បារាំង និងក្លឹបលីគកំពូលអេស្ប៉ាញ Barcelona។
ចំពោះក្លឹប Manchester City គិតត្រឹមពេលនេះ លេងបាន ៤១ប្រកួតហើយ ព្រមទាំងរកបាន ១៤៩គ្រាប់គ្រប់កម្មវិធី ដែលជាចំនួនច្រើនជាងគេ។ រីឯក្លឹបដែលមានគ្រាប់បាល់ច្រើនបន្ទាប់គឺក្លឹបយក្សបារាំង PSG ដែលរកបាន ១២៥គ្រាប់ ក្នុង៣៥ប្រកួត។ ចំណែកឯក្លឹប Barcelona រកបាន ១១៣គ្រាប់ ក្នុង៣១ប្រកួតគ្រប់កម្មវិធី។
ក្រៅពីរកបានគ្រាប់ច្រើនជាងគេ ក្លឹបManchester City ក៏ឈ្នះពានមួយនេះដែរគឺ ពានខារ៉ាបាវ។ ក្លឹបអង់គ្លេសនេះដែរ ក៏បន្តឡើងវគ្គ ៨ក្រុមចុងក្រោយនៃ UEFA Champions League ជាមួយក្លឹប Barcelona៕