លេចចេញចំណុចខ្លាំង Huawei P30 អាច Zoom ដល់ឋានព្រះចន្ទ និងថតវីដេអូបានពីរក្នុងពេលតែមួយ
- 2019-03-25 08:34:56
- ចំនួនមតិ 0 | ចំនួនចែករំលែក 0
លេចចេញចំណុចខ្លាំង Huawei P30 អាច Zoom ដល់ឋានព្រះចន្ទ និងថតវីដេអូបានពីរក្នុងពេលតែមួយ
ចន្លោះមិនឃើញ
ព័ត៌មានចុងក្រោយអំពី Huawei P30/P30 Pro ដែលនឹងប្រកាសចេញនាយប់ថ្ងៃស្អែកនេះ បានលេចចេញពីវិបសាយសិង្ហបុរី ដែលមានរៀបរាប់អំពីចំណុចខ្លាំងលើស្មាតហ្វូនជំនាន់ចុងក្រោយនេះ។
មុខងារឲ្យចាប់អារម្មណ៍លើកាមេរ៉ារបស់ P30 និង P30 Pro គឺមុខងារដែលមានឈ្មោះថា Dual-View Video។ មុខងារ Dual View Video គឺអាចឲ្យអ្នកប្រើប្រាស់ថតវីដេអូបានពីរក្នុងពេលតែមួយ ដោយប្រើប្រាស់កាមេរ៉ាខាងក្រោយម្ដងពីរគ្រាប់តែម្ដង។
លក្ខណៈសម្បត្តិផ្សេងទៀតគឺឡេនកាមេរ៉ាដែលអាចធ្វើការ Zoom បានរហូតដល់ ១០ ដង ហើយនៅអាចរក្សាគុណភាពរូបភាពឲ្យបានច្បាស់ល្អទៀតផង។ បន្ថែមពីនេះគឺគេបានដឹងអំពីឡេនទំហំ ៤០ MP ដែលមានសមត្ថភាពអាចថតរូបក្នុងកម្រិត ISO ខ្ពស់ និង ថតវីដេអូនៅទីងងឹតបានច្បាស់។
ប្រភពបានឲ្យដឹងទៀតថា ការជាវ Huawei P30 ឬ P30 Pro នៅថ្ងៃចេញលក់ទី ៦ ខែមេសា អតិថិជននឹងទទួលបាននាឡិកា Huawei Watch GT និងឧបករណ៍បំពងសំឡេង JBL Clip 2 ដែលមួយកញ្ចប់នេះមានតម្លៃប្រមាណ ៣៤៥ ដុល្លារ នៅសិង្ហបុរី។
ចង់ដឹងលក្ខណៈសម្បត្តិលម្អិតរបស់ Huawei P30 និង P30 Pro រង់ចាំទស្សនាកម្មវិធីប្រកាសចេញ ដែលធ្វើឡើងនាយប់ស្អែកថ្ងៃទី ២៦ ខែមីនា៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
