ជាលើកដំបូងមន្ទីរពេទ្យ Bumrungrad ចាប់ដៃ VitalLife រៀបចំសិក្ខាសាលា«ភាពជាមាតា»នៅសៀមរាប
- 2019-03-25 10:35:56
- ចំនួនមតិ 0 | ចំនួនចែករំលែក 0
ជាលើកដំបូងមន្ទីរពេទ្យ Bumrungrad ចាប់ដៃ VitalLife រៀបចំសិក្ខាសាលា«ភាពជាមាតា»នៅសៀមរាប
ចន្លោះមិនឃើញ
កាលពីថ្មីៗនេះ មន្ទីរពេទ្យ អន្តរជាតិបំរ៉ុងរ៉ាត់ បានសហការជាមួយមជ្ឈមណ្ឌលសុខភាព វាយថល ឡាយហ្វ៍ (VitalLife) រៀបចំសិក្ខាសាលាផ្សព្វផ្សាយចំណេះដឹងជាសាធារណៈមួយក្រោមប្រធានបទ «វិធីសាស្ត្រចម្បងៗ ដើម្បីត្រៀមខ្លួនក្លាយជាមាតា» នៅសណ្ឋាគារសុខា ខេត្តសៀមរាប។ នេះគឺជាលើកទីមួយហើយដែលមន្ទីរពេទ្យ អន្តរជាតិ បំរ៉ុងរ៉ាត់ ដែលជាមន្ទីរពេទ្យពហុជំនាញធំបំផុតមួយប្រចាំតំបន់អាស៊ីអាគ្នេយ៍ និងមានស្តង់ដារខ្ពស់លំដាប់ពិភពលោក បានរៀបចំសិក្ខាសាលាដ៏សំខាន់នេះនៅខេត្តសៀមរាប។
សិក្ខាសាលានេះ ត្រូវបានធ្វើបទបង្ហាញដោយជំនួយការសាស្ត្រាចារ្យបណ្ឌិត លោកវេជ្ជបណ្ឌិត Pansak Sugkraroek ឯកអគ្គរដ្ឋទូតជាន់ខ្ពស់នៃផ្លាកសញ្ញារបស់មជ្ឈមណ្ឌលសុខភាព វាយថល ឡាយហ្វ៍ និងមន្ទីរពេទ្យ អន្តរជាតិ បំរ៉ុងរ៉ាត់។
លោកវេជ្ជបណ្ឌិត Pansak Sugkraroek ដែលជាជំនួយការសាស្រ្តាចារ្យបណ្ឌិតផ្នែកសុខភាពស្ត្រី មានឯកទេសផ្នែកសម្ភព និងរោគស្ត្រី ការអស់រដូវ និងសុខភាពបន្តពូជ ជាមួយនឹងបទពិសោធន៍ជាង ៣០ឆ្នាំ បានផ្ដោតសំខាន់លើគោលការណ៍ណែនាំដ៏ទូលំទូលាយចំពោះការមានផ្ទៃពោះប្រកបដោយសុខភាពល្អ វិធីសាស្ត្រសំខាន់ៗថាតើត្រូវធ្វើយ៉ាងណាខ្លះមុនពេល អំឡុងពេល និងក្រោយពេលសម្រាលកូន។
លោកក៏បានបកស្រាយពីដំណាក់កាលនីមួយៗ ដែលគ្រប់ឪពុកម្តាយទាំងអស់ត្រូវតែយល់ដឹងផងដែរ ដែលរួមមានទាំងការត្រួតពិនិត្យផ្ទៃពោះ និងសុខភាពឲ្យបានជាប់ជាប្រចាំ ជម្រើសអាហារប្រកបដោយជីវជាតិ ការថែទាំគភ៌ ការផ្តល់កំណើត និងការអភិវឌ្ឍកូន។
ដោយបើកទូលាយជូនចំពោះអ្នកជំនាញផ្នែកសុខភាព និងសាធារណជនទូទៅ អ្នកចូលរួមទាំងអស់បានស្វែងយល់អំពីគន្លឹះសំខាន់ៗ នៃដំណាក់កាលនីមួយៗ នៃភាពជាមាតាបិតា និងសេវាកម្មជាច្រើនទៀត ដែលអាចរកបានតាមរយៈការពិនិត្យសុខភាព និងព្យាបាលជំងឺនៅមជ្ឈមណ្ឌលសុខភាព វាយថល ឡាយហ្វ៍ (VitalLife) និងមន្ទីរពេទ្យ អន្តរជាតិ បំរ៉ុងរ៉ាត់។ ហើយបន្ទាប់ពីសម្រាលកូនរួច លោកអ្នកក៏នៅតែអាចទៅស្វែងរកសេវាកម្មសុខភាពកុមារបានយ៉ាងទូលំទូលាយពីអ្នកឯកទេសខាងជំងឺកុមាររបស់មន្ទីរពេទ្យបានទៀតផងដែរ។
មានទីតាំងក្នុងទីក្រុងបាងកកថៃ មន្ទីរពេទ្យ អន្តរជាតិ បំរ៉ុងរ៉ាត់ ផ្តល់ជូននូវសេវាកម្ម និងបរិក្ខាររោគ វិនិច្ឆ័យ ព្យាបាល និងថែទាំដ៏ទំនើបទាន់សម័យរួមនៅកន្លែងតែមួយ ដោយអតិថិជនមិនចាំបាច់ចូលទៅសាលនានាឡើយ ហើយផ្តល់សេវាកម្មបម្រើអតិថិជនចំនួន ១,១ លាននាក់ក្នុងមួយឆ្នាំ ដោយក្នុងនោះអ្នកជំងឺដែលជាជនបរទេសមានជាង ៥២០,០០០នាក់៕