ស្រុកមួយចំនួនក្នុងខេត្តកំពត ធ្លាក់ភ្លៀង ខណៈខេត្តមួយចំនួនអត់មានភ្លៀងទេ
- 2019-03-26 03:16:36
- ចំនួនមតិ 0 | ចំនួនចែករំលែក 0
ស្រុកមួយចំនួនក្នុងខេត្តកំពត ធ្លាក់ភ្លៀង ខណៈខេត្តមួយចំនួនអត់មានភ្លៀងទេ
ចន្លោះមិនឃើញ
រូបថត ៤សន្លឹក បង្ហាញអំពីភាពត្រជាក់ត្រជុំ អ្នកនៅខេត្តកំពត ដោយសារតែមានភ្លៀងធ្លាក់កម្រិតខ្សោយ នៅស្រុកមួយចំនួន ក្នុងខេត្តកំពត។
ផ្អែកតាមសេចក្ដីសេចក្ដីប្រកាសព័ត៌មានរបស់ក្រសួងធនធានទឹក និង ឧតុនិយម បានឲ្យដឹងកាលពីថ្ងៃទី ២៥ មីនា ម្សិលមិញនេះ បានឲ្យដឹងថា ភ្លៀងបានធ្លាក់កម្រិតខ្សោយនៅផ្នែកខ្លះនៃស្រុកឈូក និងស្រុកទឹកឈូ ខេត្តកំពត។
សូមទស្សនារូបភាព របស់ក្រុមការងារ Sabay ដែលបានផ្ដិតជាប់ កាលពីម្សិលមិញ នៅខេត្តកំពត
សូមរំលឹកផងដែរថា ក្រសួងធនធានទឹក បានចេញសេចក្ដីជូនដំណឹងរបស់ខ្លួន ចុះកាលបរិច្ឆេតថ្ងៃទី ២៥ ខែមីនា ឆ្នាំ ២០១៩នេះ ឲ្យដឹងដែរថា ប្រទេសកម្ពុជាទទួលរងឥទ្ធិពលមួយទៀត ដែលមានសម្ពាធទាបផង និងខ្ពស់ផង ដែលធ្វើឲ្យមានភ្លៀងកក់ខែ ហើយរហូតដល់ចុងខែមីនា និងដើមខែមេសា មានភ្លៀងផង និងមានផ្គររន្ទះ ព្រមទាំងខ្យល់កន្ត្រាក់ផង។
ការរងឥទ្ធិពលខាងលើនេះ សេចក្ដីជូនដំណឹង បានបែងចែក ២ចំណុច ដូចខាងក្រោមនេះ៖
១. នៅថ្ងៃទី ២៦-២៩ ខែមីនា ឥទ្ធិពលនៃការប្រសព្វគ្នារវាងសម្ពាធទាប (ទិសខាងលិច និងពាយ័ព្យ) និងសម្ពាធខ្ពស់នៃតំបន់ខ្ពង់រាបចុះខ្សោយធ្វើឲ្យកម្រិតទឹកភ្លៀងកក់ខែ ក៏ធ្លាក់ចុះផងដែរ។ ទន្ទឹមនឹងនេះ កម្ដៅនឹងកើនឡើងវិញ ដែលកម្រិតសីតុណ្ហភាពអតិបរមាមានពី ៣៤-៣៧ អង្សាសេ។
២. ចាប់ពីថ្ងៃទី ៣០ ខែមីនា ដល់ថ្ងៃទី ០២ ខែមេសា ឥទ្ធិពលនៃការប្រសព្វគ្នារវាងសម្ពាធទាប និងសម្ពាធខ្ពស់បន្តកើតឡើងវិញសារជាថ្មី ម្ដងទៀត ដែលបណ្ដាលឲ្យមានភ្លៀងកើតឡើងវិញជាបន្ដបន្ទាប់ ដែលនាំមកជាមួយនូវផ្គរ រន្ទះ និងខ្យល់កន្ត្រាក់ផងដែរ។ ឯសីតុណ្ហភាពជាទូទៅមានពី ៣០-៣៣ អង្សាសេ។