Huawei P30 Lite ស្មាតហ្វូនធុន ៣ សន្លឹកស្ងាត់ៗហោះទៅដល់ទីផ្សារហ្វីលីពីន
- 2019-03-28 01:20:00
- ចំនួនមតិ 0 | ចំនួនចែករំលែក 0
Huawei P30 Lite ស្មាតហ្វូនធុន ៣ សន្លឹកស្ងាត់ៗហោះទៅដល់ទីផ្សារហ្វីលីពីន
ចន្លោះមិនឃើញ
កាលពីថ្មីៗនេះក្រុមហ៊ុន Huawei បានបើកព្រឹត្តិការណ៍ដាក់បង្ហាញស្មាតហ្វូនជំនាន់ក្រោយ P30 និង P30 Pro នៅទីក្រុងប៉ារីស ប្រទេសបារាំង ប៉ុន្តែមិនបានប៉ុន្មានផងនោះធុនតូចមួយម៉ូឌែលទៀតគឺ P30 Lite ក៏ស្រាប់តែលេចមុខព្រមគ្នានៅទីផ្សារប្រទេសហ្វីលីពីន និងកំពុងបើកឲ្យកុម្ម៉ង់ទិញ (Pre-order)។
ជាស្មាតហ្វូនធុនកណ្តាលតម្លៃ ៣២០ ដុល្លារ ជាគូប្រជែងនឹងម៉ូឌែលធុន ៣ សន្លឹករបស់ក្រុមហ៊ុនដទៃទៀតជាច្រើន។ P30 Lite ប្រើប្រាស់រចនាបថអេក្រង់រាងដំណក់ទឹក U-shaped ដោយផ្នែកឆករាងរង្វង់ខាងលើជាទីតាំងផ្ទុកកាមេរ៉ាមុខ និងខាងក្រោយបែបបញ្ឈរដល់ទៅ ៣ គ្រាប់។
បំពាក់អេក្រង់ទំហំ ៦,១៥ អ៊ីញ LCD កម្រិត Full HD+ មានមាត្រដ្ឋាន ១៩.៥:៩ ដោយមានបន្ទះឈីប Kirin 710 អម CPU ៤ គ្រាប់ ប្រភេទ Cortex-A73 រត់នៅល្បឿន ២,២GHz និង ៤ គ្រាប់ទៀតប្រភេទ Cortex-A53 រត់នៅល្បឿន ១,៧GHz។ ប្រើប្រាស់ GPU ប្រភេទ Mali-G51 មាន RAM 6GB និងអង្គផ្ទុកក្នុងម៉ាស៊ីនទំហំ 128GB។
កាមេរ៉ា ៣ គ្រាប់នៅខាងក្រោយមួយគ្រាប់មេទំហំ 24MP អមគ្រាប់ទីពីរជាឡេន Ultra-wide-angel ទំហំ 8MP និងឡេនទីបី Depth Sensor ទំហំ 2MP។ នៅខាងមុខអាចផ្តិតយករូបភាព Selfie នូវទំហំ 32MP ។ ប្រើប្រាស់ប្រព័ន្ធប្រតិបត្តិ Android Pie អមផ្ទៃកម្មវិធី EMUI 9.0.1 មានថាមពលថ្ម ៣ ៣៤០mAh គាំទ្រមុខងារសាកថ្មរហ័សកម្លាំង ១៨ វ៉ាត់។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: