កម្ដៅការតវ៉ានៅបារាំង ឈានដល់សប្ដាហ៍ទី ២០ បំផ្លិចបំផ្លាញទូរដកលុយជាច្រើនកន្លែង

2019-03-31 02:29:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នកតវ៉ាអាវកាក់ពណ៌លឿង បានប៉ះទង្គិចគ្នាជាថ្មីជាមួយប៉ូលិសរដ្ឋាភិបាលកាលពីថ្ងៃសៅរ៍ដែលជាសប្ដាហ៍ទី ២០ជាប់ៗគ្នានៃចលនាតវ៉ារបស់ពួកគេប្រឆាំងនឹងរដ្ឋាភិបាលបារាំងក្នុងទីក្រុងប៉ារីស។

សមាជិកក្រុមអាវកាក់ពណ៌លឿងជាច្រើននាក់ ត្រូវបានគេមើលឃើញថានាំគ្នាដើរតវ៉ាតាមផ្លូវនៃតំបន់ល្បីៗជាច្រើនខណៈពេលដែលធនាគារមួយចំនួនស្នើសុំឲ្យបញ្ឈប់អំពើហិង្សាមកលើសាខារបស់ខ្លួន ជាពិសេសការបំផ្លិចបំផ្លាញទូដកលុយជាច្រើនកន្លែង។ ក្រុមប៉ូលិស បានតស៊ូនៅចុងសប្តាហ៍មុនដើម្បីទប់ស្កាត់អំពើហិង្សាដោយបាតុករដែលបានរៀបចំវាយកម្ទេចកញ្ចក់ក្នុងហាង និងដុតបំផ្លាញហាងលក់កាសែត និងធនាគារជាច្រើននៅក្នុងទីក្រុង។ តំបន់ល្បីៗជាច្រើនក្នុងទីក្រុងប៉ារីសដូចជា Champs Elysees និងភាគកណ្ដាលនៃទីក្រុង Bordeaux ត្រូវបានប្រកាសហាមឃាត់បាតុកម្មដោយប៉ូលិសត្រូវបានដាក់ការពារនៅក្នុងតំបន់នោះ។

គួរឲ្យដឹងថា បាតុកម្មបានចាប់ផ្តើមនៅតំបន់ជនបទមួយនៃប្រទេសបារាំងកាលពីថ្ងៃទី ១៧ ខែវិច្ឆិកាដោយសារការបង្កើនពន្ធលើប្រេងឥន្ធនៈ ហើយបានឈានកាន់តែធ្ងន់ធ្ងរទៅរហូតដល់មានការបះបោរប្រឆាំងរដ្ឋាភិបាល៕