Benzema បង្កើតកំណត់ត្រាល្អមួយដែល Messi ឬ Ronaldo មិនទាន់សម្រេចបាន
- 2019-04-01 12:02:29
- ចំនួនមតិ 0 | ចំនួនចែករំលែក 0
Benzema បង្កើតកំណត់ត្រាល្អមួយដែល Messi ឬ Ronaldo មិនទាន់សម្រេចបាន
ចន្លោះមិនឃើញ
បន្ទាប់ពីរកគ្រាប់បាល់ពេលប៉ះនឹងក្លឹប Huesca កាលពីយប់ថ្ងៃអាទិត្យ ខ្សែប្រយុទ្ធក្លឹប Real Madrid បង្កើតបានកំណត់ត្រាថ្មីមួយ ដោយស៊ុតចូលគ្រប់ក្រុមទាំងអស់ដែលគេបានលេងប៉ះនៅក្នុងលីគកំពូលអេស្ប៉ាញ។
Benzema បានលេងទល់នឹងក្លឹបចំនួន ៣៤ តាំងពីផ្ទេរមកទឹកដីអេស្ប៉ាញកាលពីជាង ១០ឆ្នាំមុន ហើយបានស៊ុតចូលគ្រប់ក្រុមទាំងអស់ ហើយក្លឹបចុងក្រោយដែលគេរកគ្រាប់បាល់បានគឺ ក្លឹប Huesca នេះឯង។
កំណត់ត្រាមួយនេះ កីឡាករកំពូលៗមួយចំនួនដូចជា ខ្សែប្រយុទ្ធក្លឹប Barcelona កីឡាករ Lionel Messi និងអតីតមិត្តរួមក្រុមរបស់ Benzema កីឡាករ Cristiano Ronaldo មិនទាន់សម្រេចបានឡើយក្នុងអាជីពរបស់ពួកគេ។
Messi លេងប៉ះនឹងក្លឹបចំនួន ៤០ ក្នុង La Ligaតាំងពីបង្ហាញខ្លួនក្នុងឈុតធំ Barcelona ហើយស៊ុតចូលក្លឹបចំនួន ៣៧ ដោយ ៣ក្លឹបដែលរូបគេមិនទាន់ស៊ុតចូលគឺ ក្លឹប Cadiz, Murcia និងក្លឹប Huesca។
ចំណែកឯ Ronaldo វិញ ស៊ុតចូល ៣២ក្លឹប ក្នុងចំណោម ៣៣ក្លឹប ដែលគេលេងប៉ះក្នុង La Liga ដោយសល់មួយក្លឹបមុនទៅ Juventus នោះគឺ ក្លឹប Legenes។
សូមបញ្ជាក់ផងដែរថា Benzema ក្នុងពេលនេះដែរ រកបាន ២១៥គ្រាប់ ក្នុងការបង្ហាញខ្លួនចំនួន ៤៥៨លើក គ្រប់កម្មវិធីរបស់ក្លឹប Real Madrid៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
