ឃោរឃៅបំផុត! គ្រូមតេ្តយ្យម្នាក់ ដាក់ថ្នាំបំពុលសិស្ស ២៣នាក់ជាការសងសឹងនឹងមិត្តរួមការងារ
- 2019-04-02 06:22:07
- ចំនួនមតិ 0 | ចំនួនចែករំលែក 0
ឃោរឃៅបំផុត! គ្រូមតេ្តយ្យម្នាក់ ដាក់ថ្នាំបំពុលសិស្ស ២៣នាក់ជាការសងសឹងនឹងមិត្តរួមការងារ
ចន្លោះមិនឃើញ
យ៉ាងហោចណាស់សិស្សមត្តេយ្យចំនួន ២៣នាក់ត្រូវបានបញ្ជូនទៅកាន់មន្ទីរពេទ្យក្រោយត្រូវបានបំពុលដោយគ្រូបង្រៀនរបស់ខ្លួននៅភាគកណ្ដាលប្រទេសចិន។
គ្រូបង្រៀនរូបនេះ ត្រូវបានរាយការណ៍ថាព្យាយាមសងសឹកទៅលើមិត្តរួមការងារម្នាក់ក្រោយមានជម្លោះជាមួយគ្នាដោយយកសារធាតុគីមី Nitrite ដែលជាសារធាតុរក្សាសាច់កុំឲ្យស្អុយទៅដាក់ក្នុងបបររបស់សិស្សកាលពីព្រឹកថ្ងៃពុធ។ សិស្សជាច្រើននាក់នៅសាលាមត្តេយ្យ Meng Meng ត្រូវបានបញ្ជូនទៅកាន់មន្ទីរពេទ្យដោយមានរោគសញ្ញាក្អួតចង្អោរភ្លាមៗក្រោយទទួលទានអាហារពេលព្រឹក។
យ៉ាងណាមិញ ក្រោយកើតហេតុ គ្រូបង្រៀនដែលមិនបញ្ចេញអត្តសញ្ញាណរូបនេះ ត្រូវបានប៉ូលិសចាប់ខ្លួន ចំណែកឯកូនសិស្សត្រូវឪពុកម្ដាយមកទទួលដើម្បីបញ្ជូនទៅកាន់មន្ទីរពេទ្យដោយក្នុងនោះសិស្សម្នាក់ស្ថិតក្នុងសភាពធ្ងន់ធ្ងរ និងត្រូវបញ្ជូនបន្ដទៅទីក្រុង Zhengzhou សម្រាប់ការព្យាបាល៕