មន្តស្នេហ៍កំលោះកើតខែមេសា

2019-04-03 08:09:47
ចំនួនមតិ 0 | ចំនួនចែករំលែក 0

ចន្លោះមិនឃើញ

លក្ខណៈពិសេសរបស់បុរសកើតខែមេសាគឺ ស្មោះត្រង់ សាមញ្ញងាយយល់ តែងគិត និងរៀបចំទុកជាមុន មានបំណងប្រាថ្នាខ្ពស់ ពោរពេញដោយក្ដីស្រលាញ់ ចូលចិត្តផ្សងព្រេង និងមានភាពជាអ្នកដឹកនាំល្អ។ បើស្រលាញ់នារីណាម្នាក់ហើយ គឺដាក់ចិត្តស្រលាញ់ខ្លាំង ប៉ុន្តែមិនមែនរោលរាលទេ ក្ដីស្រលាញ់របស់គេហាក់ដូចជាត្រជាក់ស្រឹប។

រូបភាពតំណាង

ប៉ុន្តែសម្រាប់នារីដែលចង់បានបុរសម្នាក់ ដែលអាចការពារនាងបាន អាចផ្ដល់នូវរាល់តម្រូវការផ្នែកសម្ភារៈដល់នាងបាន ពុំគួរជ្រើសយកអ្នកកើតខែនេះទេ។ ព្រោះបុរសកើតខែមេសា គេតែងប្រាថ្នាចង់បានស្នេហាបែបកាន់ដៃគ្នាដើរផ្សងព្រេងកាត់ព្យុះភ្លៀង ជួបអ្វីដែលថ្មីៗ និងស្គាល់គ្រប់រសជាតិ។ ព្រោះគេតែងគិតថា វាគឺជាបទពិសោធន៍ធ្វើឲ្យស្នេហាគេមានន័យ និងគង់វង្សតរៀងទៅ ជោគជ័យនៃស្នេហារបស់គេគឺស្ថិតក្នុងការរៀបចំទុកយ៉ាងល្អនាថ្ងៃអនាគត ហើយទីបំផុតគេតែងទៅដល់ជាមួយមនុស្សស្រីម្នាក់ ដែលតែងជឿជាក់លើគេ មានភាពរឹងមាំ និងស្ងប់ស្ងាត់ ដូចជាគេដែរ។

បុរសកើតខែមេសានេះ មើលពីក្រៅទៅដូចជាអ្នកអភិរក្សនិយមណាស់ និង រារែកមិនសូវដាច់ស្រេច។ ប៉ុន្តែតាមពិតវាភាពសាមញ្ញរបស់គេ។ គេតែងមានទំនុកចិត្តខ្ពស់ និងជឿជាក់លើសមត្ថភាពរបស់គេ ព្រោះអ្វីគ្រប់យ៉ាងដែលគេនឹងធ្វើនោះ គេបានរៀបគម្រោងទុកមុនរួចជាស្រេច។ ដូច្នេះហើយបានជា បុរសកើតខែនេះតែងមានគំនិតឈានមុខគេជានិច្ច ពេលខ្លះគេអាចឈានទៅមុខមួយជំហានមុនសម័យកាលទៅទៀត។

អត្ថបទ៖ ឈិន ធារ៉ាត់