ល្ងាចនេះអ្នកកីឡា មន្ត្រីកីឡាជាង៤ពាន់នាក់ទទួលបាន១០ម៉ឺនរៀលម្នាក់ៗពីសម្តេចតេជោ

2019-04-04 01:25:36
ចំនួនមតិ 0 | ចំនួនចែករំលែក 0

ចន្លោះមិនឃើញ

អត្តពលិកកម្ពុជា និងមន្ត្រីពាក់ព័ន្ធនឹងកីឡាជាង៤ពាន់នាក់ដែលម្នាក់ៗនឹងទទួលបានការឧបត្ថម្ភចំនួន១០ម៉ឺនរៀលពីសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក្នុងឱកាសដែលសម្តេចអនុញ្ញាតឲ្យអត្តពលិកជួបជុំទទួលទានអាហារមហាគ្រួសារកីឡាកម្ពុជាប្រចាំឆ្នាំ។

សម្តេច ហ៊ុន សែន ជូបកាលពីឆ្នាំ២០១៧

តាមការឲ្យដឹងពីឯកឧត្តម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាថា កីឡាករ កីឡាការិនី គ្រូបង្វឹក អាជ្ញាកណ្តាល និងមន្ត្រីកីឡាពាក់ព័ន្ធសរុបចំនួន ៤ ០៩៦នាក់នឹងជួបជុំពិសាអាហារសាមគ្គីក្នុងមហាគ្រួសារកីឡាកម្ពុជាល្ងាចថ្ងៃទី៤ ខែមេសា ឆ្នាំ២០១៩នេះនៅកោះពេជ្រក្រោមអធិបតីភាពសម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលកម្ពុជា។ អត្តពលិក និងមន្ត្រីកីឡាទាំង ៤ ០៩៦នាក់នឹងទទួលបានប្រាក់ឧបត្ថម្ភពីសម្តេចតេជោម្នាក់ៗចំនួន១០ម៉ឺនរៀល។

នេះជាការៀបចំពិសាអាហារសាមគ្គីក្នុងមហាគ្រួសារកីឡាកម្ពុជាប្រចាំឆ្នាំរបស់សម្តេចតេជោ ហ៊ុន សែន ដែលតែងតែជួបកីឡាករ កីឡាការិនី មន្ត្រីពាក់ព័ន្ធនឹងកីឡារាល់ថ្ងៃទី៤ ខែមេសា និងឧបត្ថម្ភថវិកាក្នុងឱកាសបុណ្យចូលឆ្នាំថ្មីប្រពៃណីជាតិដែលនឹងចូលមកដល់នាពេលដ៏ខ្លីខាងមុខនេះ៕