ដៃគូចាស់ Apple នឹងចូលមកជួយផ្គត់ផ្គង់អេក្រង់ OLED លើ Apple Watch Series 5

2019-04-04 07:51:00
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមរបាយការណ៍ក្រៅស្រុកបានចុះផ្សាយថាក្រុមហ៊ុន Japan Display របស់ប្រទេសជប៉ុននឹងដើរតួជាអ្នកផ្គត់ផ្គង់ចង្វាក់ផលិតកម្មអេក្រង់ OLED សម្រាប់បំពាក់នៅលើនាឡិកាឆ្លាតវៃ Apple Watch Series 5។

ក្រុមហ៊ុននេះក៏ធ្លាប់ជាដៃគូផ្គត់ផ្គង់អេក្រង់ LCD សម្រាប់ Apple នាពេលកន្លងមកផងដែរ ប៉ុន្តែបានរាំងស្ទះឧបសគ្គមួយចំនួននៅពេលដំណើរការអាជីវកម្មអេក្រង់ LCD ផ្តើមមានការចុះអន់ថយនិងពេញនិយមខ្លាំងលើអេក្រង់ OLED។ ឆ្លើយតបក្នុងរយៈពេលប៉ុន្មានឆ្នាំចុងក្រោយនេះ Japan Display ក៏ងាកមកបណ្តាក់ទុនលុយរយលានដើម្បីបង្កើតរោងចក្រផលិតអេក្រង់ OLED ក្នុងគោលដៅដើរឲ្យទាន់នឹងតម្រូវការទីផ្សារសម័យថ្មី។

របាយការណ៍ពី Reuters បញ្ជាក់ថាក្រោយល្ហិចល្ហៀងពីផែនការណ៍នេះ តម្លៃភាគហ៊ុនរបស់ Japan Display ក៏ស្រាប់មានការកើនឡើងប្រមាណ ៦,៣ ភាគរយ ។ ប្រសិនណាជាជោគជ័យពិតមែន តាមការព្យាករណ៍ពី IHS Markit ក៏បង្ហើបថាក្រុមហ៊ុននេះនឹងត្រូវចាប់ដៃជាមួយក្រុមហ៊ុនយក្សកូរ៉េខាងត្បូង Samsung ដោយមួយជាអ្នកផលិតបន្ទះអេក្រង់ និងមួយផ្សេងទៀតជាអ្នកបង្កើតឡើងនូវបច្ចេកវិទ្យាសម្រាប់អេក្រង់ OLED លើនាឡិកាជំនាន់ទី ៥ របស់ផ្លែប៉ោម។