មោទកភាព! ក្រុមហ៊ុនល្បីមួយនៅកម្ពុជា ឈ្នះពានដ៏សំខាន់ពីប្រទេសអេស្ប៉ាញ
- 2019-04-04 07:50:00
- ចំនួនមតិ 0 | ចំនួនចែករំលែក 0
មោទកភាព! ក្រុមហ៊ុនល្បីមួយនៅកម្ពុជា ឈ្នះពានដ៏សំខាន់ពីប្រទេសអេស្ប៉ាញ
ចន្លោះមិនឃើញ
ក្រុមហ៊ុនធានារ៉ាប់រង ប៊ីម៉ា (BIMA Cambodia) ដៃគូសហការរបស់ក្រុមហ៊ុន Smart Axiata (ស្មាត អាស្យាតា) ដែលជាក្រុមហ៊ុនប្រើប្រាស់បច្ចេកវិទ្យាទូរស័ព្ទដើម្បី ផ្តល់សេវាថែទាំសុខភាព និងផលិតផលធានារ៉ាប់រង ទទួលពានរង្វាន់សម្រាប់ឆ្នាំ ២០១៩ ស្តីពី «ការច្នៃប្រឌិតតាមទូរស័ព្ទចល័តដ៏ល្អបំផុតសម្រាប់សុខភាពនិងជីវសាស្រ្ត» ពី ជីអេសអឹមអេ គ្លូប៊ល មូបែល អាវើត (GLOMO Awards) ដ៏ល្បីល្បាញ នៅបាស់សេឡូណា ប្រទេសអេស្ប៉ាញ កាលពីខែកុម្ហៈ។
ពានរង្វាន់នេះជាការទទួលស្គាល់ និងផ្តល់តម្លៃ ដល់¬ការច្នៃប្រឌិតដ៏ប្រសើរបំផុត និងការអភិវឌ្ឍន៍ក្នុងវិស័យទូរគមនាគមន៍ទូរស័ព្ទចល័ត។
ស្មាត និង ប៊ីម៉ា បានចាប់ដៃគូសហការតាំងពីឆ្នាំ ២០១៤ នៅក្នុងព្រះរាជាណាចក្រកម្ពុជា ដើម្បី ផ្តល់ជូនសេវាកម្មធានារ៉ាប់រងដែលមានលក្ខណៈងាយស្រួល និងតម្លៃសមស្រប តាមរយៈទូរស័ព្ទដៃ។
ក្រុមហ៊ុនទាំងពីរបាននឹងកំពុងផ្តល់ជូនអតិថិជន តាមរយៈផលិតផលធានារ៉ាប់រងអាយុជីវិត និងធានារ៉ាប់រងសម្រាកព្យាបាលនៅមន្ទីរពេទ្យ ហើយដែលនៅក្នុងឆ្នាំ ២០១៨ ក្រុមផ្តល់សេវាសុខភាពត្រូវបានបង្កើតឡើង ដើម្បីជំរុញនិងលើកទឹកចិត្តដល់អតិថិជនដែលបានចុះឈ្មោះ និងស្មោះត្រង់ជាមួយសេវាកម្មធានារ៉ាប់រង ប៊ីម៉ា។
ក្រុមផ្តល់សេវាសុខភាព (mHealth) ផ្តល់ជូនដល់អតិថិជនឥតដែនកំណត់ ជាមួយវេជ្ជបណ្ឌិតមានគុណភាព តាមរយៈការប្រឹក្សាតាមទូរស័ព្ទ រួមជាមួយការដឹកជញ្ចូនថ្នាំពេទ្យជូនដល់ផ្ទះដោយឥតគិតថ្លៃ (ទីក្រុងភ្នំពេញ) ភ្ជាប់ជាមួយវេជ្ជបញ្ជាក្នុងទូរស័ព្ទដៃ។
ក្រុមផ្តល់សេវាសុខភាពរបស់ ប៊ីម៉ា រួមមាននៅក្នុងប្រទេស បង់ក្លាដេស ហ្គាណា ប៉ាគីស្ថាន ប៉ារាហ្គាយ និងព្រះរាជាណាចក្រកម្ពុជា ដែលកំពុងបម្រើសេវាកម្មដល់ប្រជាជន ជាង ២.២ លាននាក់។
លោក តាប៉ាស់ គួយឡា នាយកប្រតិបត្តិ ប៊ីម៉ា បានមានប្រសាសន៍ថា៖ “សម្រាប់ប៊ីម៉ា នេះជារឿងដែលគួរត្រេកអរក្រៃលែង ដែលត្រូវបានទទួលស្គាល់ជាអ្នកនាំមុខ ផ្នែកការផ្តល់សេវាសុខភាពតាមទូរគមនាគមន៍ទូរស័ព្ទ។ ក្រុមហ៊ុន ប៊ីម៉ា យើងបាននឹងកំពុងផ្តោតការយកចិត្តទុកដាក់បន្ថែមទៀតក្នុងការផ្តល់ជូននៅសេវាសុខភាពតាមតែអាចធ្វើបានតាម ទូរស័ព្ទដល់ប្រជាជនដែលកំពុងត្រូវការទាំងអស់។
នៅក្នុងទីផ្សារកំពុងរីកចម្រើន ជារឿយៗប្រជាពលរដ្ឋត្រូវតែធ្វើដំណើរយ៉ាងឆ្ងាយ និងចំណាយពេលជាច្រើនម៉ោង ដើម្បីរង់ចាំទទួលសេវា នៅគ្លីនិក ឬពិគ្រោះជាមួយវេជ្ជបណ្ឌិត ដែលកត្តាទាំងនេះជាឧបសគ្គសម្រាប់ពួកគាត់ក្នុងការទទួលបានសេវាតាមតម្រូវការ និងទាន់ពេលវេលា។
គោលដៅរបស់ ប៊ីម៉ា គឺដើម្បីផ្តល់ដំណោះស្រាយដល់អតិថិជន ដែលប្រឈមនឹងកត្តាវិសមភាពទាំងនេះ។ គោលដៅរបស់យើងគឺបង្កើន ក្រុមផ្តល់សេវាសុខភាព នឹងផ្តល់ជូនដល់គ្រប់អតិថិជន ប៊ីម៉ា នៅទូទាំងអាស៊ី អាហ្វ្រីក និងអាមេរិកឡាទីន។
លោក ថូម៉ាស ហ៊ុន នាយកប្រតិបតិ្តក្រុមហ៊ុន Smart Axiata បានថ្លែងថា៖ “ប្រជាជនកម្ពុជាជាច្រើនមិនមានការធានារ៉ាប់រងដោយសារតែពួកគេខ្វះចំណេះដឹងនិងមិនអាចទទួលបាននូវផលិតផលធានារ៉ាប់រងគួរឲ្យជឿជាក់។ ប៉ុន្ដែតាមរយៈភាពជាដៃគូរបស់យើងជាមួយ BIMA ក្រុមហ៊ុនទាំងពីរអាចផ្តល់ជូននូវគំរូចែកចាយភ្នាក់ងារចម្លងតែមួយ ដែលនាំឲ្យ BIMA អាចទទួលបានអតិថិជនរាប់ពាន់នាក់។ សូមអបអរសាទរដល់ក្រុមហ៊ុន BIMA សម្រាប់ពានរង្វាន់នេះដែលនឹងជួយលើកទឹកចិត្តពួកយើងឲ្យកាន់តែប្រសើរថែមទៀតដើម្បីកែលម្អភាពងាយស្រួលនិងលទ្ធភាពនៃផលិតផលធានារ៉ាប់រងតាមទូរស័ព្ទ"។
ការវិនិច្ឆ័យរបស់ គ្លូមូ មានការចូលរួមពី អ្នកវាយតម្លៃឯករាជ្យ អ្នកវិភាគ អ្នកការសែត អ្នកសិក្សា (ចំណេះដឹង) និង ពេលខ្លះក៏មានការចូលរួមពីតំណាងរបស់ទូរគមនាគមន៍ទូរស័ព្ទចល័តផងដែរ។ ប៊ីម៉ា ប្រើប្រាស់បច្ចេកវិទ្យាទូរស័ព្ទ ក្នុងការផ្តល់សេវាកម្មធានារ៉ាប់រងដែលងាយស្រួល មានតម្លៃសមរម្យ និងផលិតផលធានារ៉ាប់រងផ្នែកសុខភាព ចំពោះអតិថិជនដែលមានការលំបាកក្នុងការទទួលសេវាផ្នែកសុខភាព នៅទីផ្សារកំពុងរីកចម្រើន និងក្រុមគ្រួសារដែលមិនអាចទទួលបានសេវាទាំងនេះ តាមប្រព័ន្ធចែកចាយបែបបុរាណ។ ទម្រង់បច្ចេកទេសរបស់ ប៊ីម៉ា គឺការផ្តល់នូវលក្ខណៈងាយស្រួលដល់អតិថិជននូវ បទពិសោធន៍គ្មានក្រដាសនិងភាពបត់បែន ជាមួយគ្នានឹង ភ្នាក់ងារចែកចាយផលិតផលនិងផ្តល់ការណែនាំដល់អតិថិជន។
លក្ខណៈងាយស្រួលរបស់បច្ចេកទេសនេះ គឺជាគន្លឹះនៃភាពរីកចម្រើនរបស់ ប៊ីម៉ា ដែលទទួលបានអតិថិជនរហូតដល់ជាង ២៦ លានអ្នកនៅក្នុងទីផ្សារទាំង ១៥ ទូទាំងអាហ្វ្រីក អាស៊ី និងអាមេរិកឡាទីន។ ប៊ីម៉ា បញ្ជាក់ថាពិតជាអាចធ្វើទៅបានដើម្បីបម្រើសេវាកម្មទៅអតិថិជនសក្តានុពល និងប្រកបដោយនិរន្តរភាព។
ប៊ីម៉ា ធ្វើការងារជាមួយផ្នែកបម្រើសេវាកម្មទូរគមនាគមន៍ទូរស័ព្ទ ធនាគារ និងគ្រឹះស្ថានមីក្រូហិរញ្ញវត្ថុ រួមជាមួយផ្នែករីកចម្រើនផ្សេងទៀត។
គ្រប់ដៃគូរសហការ កំពុងចូលរួមជាមួយបេសកកម្មរបស់ ប៊ីម៉ា ដើម្បីបម្រើសេវាដល់អតិថិជនដែលពិបាកក្នុងការទទួលបានសេវានានា ដែលមានរហូតដល់ ៩៣% នៃអតិថិជនទាំងអស់ដែលប្រភពចំណូលទាបជាង ១០ ដុល្លារ ក្នុងមួយថ្ងៃ និង ៧៥% កំពុងត្រៀមទទួលយកសេវាកម្មធានារ៉ាប់រងជាលើកដំបូងរបស់ខ្លួន។
ក្រុមហ៊ុនស្មាត អាស្យាតា ខូ អិលធីឌី ជាក្រុមហ៊ុនប្រតិបត្តិករទូរគមនាគមន៍ចល័តឈានមុនគេក្នុងប្រទេសកម្ពុជា ដែលសព្វថ្ងៃនេះកំពុងបម្រើអតិថិជនជាង ៨ លាននាក់ក្រោមស្លាកសញ្ញា «ស្មាត»។ ស្មាត អាស្យាតា គឺជាក្រុមហ៊ុនបុត្រសម្ព័ន្ធរបស់ Axiata Group Berhad ដែលជាសម្ព័ន្ធទូរគមនាគមន៍ធំជាងគេមួយក្នុងទ្វីបអាស៊ី។
ក្រុមហ៊ុន Smart កំពុងតែស្ថិតក្នុងទីតាំងឈានមុខគេលើការអភិវឌ្ឍបច្ចេកវិទ្យាចល័តនៅកម្ពុជា។ Smart បានក្លាយជាបណ្តាញទូរស័ព្ទចល័តដំបូងក្នុងការប្រើប្រាស់បណ្តាញ 4G LTE ក្នុងឆ្នាំ២០១៤ បណ្តាញ 4G+ ក្នុងឆ្នាំ២០១៦ និងបណ្តាញ 4G+ ជាមួយនឹង HD Voice (VoLTE) កាលពីដើមឆ្នាំ២០១៧។
នៅពាក់កណ្តាលឆ្នាំ២០១៧ ក្រុមហ៊ុន Smart បានប្រើប្រាស់បណ្តាញ 4.5G ដែលបង្ហាញថាក្រុមហ៊ុននេះ ជាក្រុមហ៊ុនទូរគមនាគមន៍ចល័តឈានមុខគេផ្នែកទិន្នន័យអ៊ីនធឺណិតចល័តនៅប្រទេសកម្ពុជា។ បន្ថែមពីលើនេះទៀត ស្មាត ក៏ផ្តល់ជូនផងដែរនូវ សេវាទូរស័ព្ទ 2G, 2.5G, 3G និង 3.75G ក៏ដូចជាសេវា roaming អន្តរជាតិនៅជាង ១៩០ ប្រទេស។ នាពេលបច្ចុប្បន្ននេះ បណ្តាញរបស់ ស្មាត បានគ្របដណ្តប់ទៅដល់ប្រជាជនកម្ពុជាច្រើនជាង ៩៨% ទូទាំងប្រទេសកម្ពុជា។
ក្រុមហ៊ុននេះក៏កំពុងតែអភិវឌ្ឍខ្លួនឯងឥតឈប់ឈរដើម្បីក្លាយជាក្រុមហ៊ុនជីវិតកម្សាន្តបែបឌីជីថលមួយ ផងដែរ ក្រោយពីបានផ្តល់នូវកម្មវិធីបែបច្នៃប្រឌិតថ្មីៗ និងកម្មវិធីផ្តោតលើការក្សាន្តជាច្រើន។ ការផ្តល់ជូនកម្មវិធីថ្មីៗនេះ រាប់បញ្ចូលទាំងភាពជាគូជាអន្តរជាតិ ជាមួយនឹងក្រុមហ៊ុនជាច្រើនដូចជា Universal Music, Apple, Facebook និង iflix ក៏ដូចជាសេវាកម្មឌីជីថលជាច្រើនរួមមាន SmartLuy, Smart Insurance, SmartPay, Pleng by Smart និង SmartNas។
ក្រុមហ៊ុន Smart មានបំណងក្លាយជាជើងឯកផ្នែកឌីជីថលរបស់កម្ពុជា (Cambodia’s Digital Champion) ខណៈក្រុមហ៊ុនកំពុងដើរតួនាទីយ៉ាងសកម្មក្នុងការអភិឌ្ឍសេដ្ឋកិច្ចសង្គម។
ក្រុមហ៊ុនស្មាតមានបុគ្គលិកជាង ១០០០ នាក់ ដែលរួមមានទាំងអ្នកជំនាញក្នុងស្រុក និងអន្តរជាតិ ។ ក្រុមហ៊ុនស្មាត បានប្តេជ្ញាចិត្តជូនដល់អតិថិជន បុគ្គលិក និងប្រជាជនកម្ពុជា ក្នុងការធ្វើឲ្យជីវិតរបស់ពួកគេកាន់តែប្រសើរឡើងតាមរយៈបណ្តាញកម្រិតពិភពលោក បទពិសោធឌីជីថលដ៏អស្ចារ្យ និងតាមរយៈការចូលរួមក្នុងកិច្ចសហប្រតិបត្តិការនៃការទទួលខុសត្រូវសង្គមជច្រើន៕
«ស្មាត ជីវិតរស់រវើក»