មើលតម្លៃអ៊ីនធឺណិត 5G នៅកូរ៉េខាងត្បូង ពិតជាមិនថោកទេ!
- 2019-04-07 02:20:12
- ចំនួនមតិ 0 | ចំនួនចែករំលែក 0
មើលតម្លៃអ៊ីនធឺណិត 5G នៅកូរ៉េខាងត្បូង ពិតជាមិនថោកទេ!
ចន្លោះមិនឃើញ
កូរ៉េខាងត្បូងគឺជាប្រទេសដំបូងគេក្នុងលោកដែលបានដាក់ដំណើរការប្រព័ន្ធទំនាក់ទំនងជំនាន់ទី ៥ (5G) ដោយដំណើរការកាលពីថ្ងៃទី ៥ ខែមេសាកន្លងទៅនេះ។ មុនការដាក់ដំណើរការនេះ មានការពីអនុញ្ញាតពីនិយតករដោយកំណត់តម្លៃប្រចាំខែចន្លោះពី ៥០ ដុល្លារ ទៅ ១១០ ដុល្លារ ប៉ុន្តែទទួលបាន Data តិចបំផុត។
ផ្អែកតាមសារព័ត៌មានក្នុងស្រុក Yonhap ក្រុមហ៊ុនផ្គត់ផ្គង់សេវា SK Telecom ទទួលបានការអនុញ្ញាតដើម្បីផ្ដល់ជូននូវគម្រោងដូចខាងក្រោមនេះ ៖
Data ទំហំ ៨ GB ជាមួយតម្លៃប្រមាណ ៤៩ ដុល្លារ
Data ទំហំ ១៥០ GB ជាមួយតម្លៃប្រមាណ ៦៦ ដុល្លារ
Data ទំហំ ២០០ GB ជាមួយតម្លៃប្រមាណ ៨៤ ដុល្លារ
Data ទំហំ ៣០០ GB ជាមួយតម្លៃប្រមាណ ១១០ ដុល្លារ
ក្រុមហ៊ុន SK Telecom បាននិយាយថាប្រព័ន្ធទំនាក់ទំនងរបស់ខ្លួននឹងអាចផ្ដល់ជូនល្បឿនលឿនបំផុតដល់ ២,៧ Gbps ដោយប្រើប្រាស់ Galaxy S10 5G។ ក្នុងល្បឿនលឿនប៉ុណ្ណេះ អ្នកប្រើប្រាស់អាចប្រើគម្រោងប្រចាំខែ ៨ GB អស់ក្នុងពេលមិនដល់ ២៥ វិនាទីឡើយ ហើយគម្រោង ៣០០ GB អាចទប់បាន ១៥ នាទីប៉ុណ្ណោះ។
ក្រៅពីក្រុមហ៊ុនខាងលើ ក្រុមហ៊ុន LG Uplus ក៏មានផ្ដល់សេវា 5G ផងដែរ ជាមួយគម្រោង ៩ GB តម្លៃប្រមាណ ៤៩ ដុល្លារ, គម្រោង ១៥០ GB តម្លៃប្រមាណ ៦៦ ដុល្លារ និង គម្រោង ២៥០ GB តម្លៃប្រមាណ ៨៤ ដុល្លារ។ ក្រុមហ៊ុនមួយទៀតគឺ KT ជាមួយតម្លៃចាប់ពី ៤៩ ដុល្លារដូចក្រុមហ៊ុនពីរទៀតដែរ៕