Android Q ត្រៀមប្រកាសឲ្យប្រើមុខងារថ្មី ដែលមានប្រើលើ iPhone ៤ ឆ្នាំហើយ

2019-04-09 02:27:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Google បានបញ្ចេញឲ្យប្រើប្រាស់នូវកំណែសាកល្បងនៃ Android Q Beta ជំនាន់ទីពីរ ដោយរំពឹងនឹងចេញផ្សាយកំណែពេញលេញនាពេលឆាប់ៗខាងមុខនេះ។ មុខងារថ្មីមួយក៏ត្រូវបានគេដឹងថានឹងលេចចេញក្នុងជំនាន់ក្រោយ ប៉ុន្តែជាមុខងារចាស់ធ្លាប់មានលើ iPhone រយៈពេល ៤ ឆ្នាំមកហើយ។

ក្រុមហ៊ុនអាមេរិក Google នឹងនាំយកនូវមុខងារ 3D Touch មកប្រើប្រាស់លើ Android Q ដោយប្រើប្រាស់ឈ្មោះថា Deep press ។ យោងតាមសារព័ត៌មាន 9to5Google បានឲ្យដឹងថាអ្នកប្រើប្រាស់នឹងអាចប្រើម្រាមដៃសង្កត់ឲ្យយូរលើទីតាំងណាមួយ ដើម្បីដំណើរការចូល Menu លើកម្មវិធីនោះ ប៉ុន្តែមិនបញ្ជាក់ច្បាស់តើប្រភេទម៉ាស៊ីនណាខ្លះអាចគាំទ្របាននោះទេ?

ប្រភពបន្តថា Google ក៏ទំនងជាដាក់ឲ្យប្រើមុខងារ Deep press លើ Pixel 4 ត្រៀមប្រកាសនាខែតុលា និងបណ្តាស្មាតហ្វូនច្រើនទៀតដែលអាចគាំទ្រប្រព័ន្ធ Android Q។

រំឭកថា 3D Touch មានប្រើប្រាស់លើ iPhone 6s ជំនាន់ឆ្នាំ ២០១៤ ដែលប្រកាសនាខែកញ្ញា ដោយជាបច្ចេកវិទ្យាអភិវឌ្ឍដោយ Apple ដោយផ្ទាល់ ហើយបន្តមានប្រើមកទល់សព្វថ្ងៃមិនថាលើ iPhone XS/XS Max៕