កម្មវិធីប្រឹក្សាគំនិត ជួយពន្លឿនអាជីវកម្មថ្មីមួយទៀត ត្រៀមលេចមុខដើមខែឧសភានេះ

2019-04-09 04:49:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Mekong Strategic Partners (MSP) សហការជាមួយនឹង Seedstars World (Seedstars) ក្រុមហ៊ុន Smart Axiata និង Development Innovation របស់ USAID បានប្រកាសពីការដាក់ដំណើរការកម្មវិធី SmartScale ដែលជាកម្មវិធីជួយពន្លឿន និងជំរុញអាជីវកម្មដែលទើបបង្កើតថ្មីនៅក្នុងប្រទេសកម្ពុជា។

SmartScale នឹងចាប់ផ្តើមពីថ្ងៃ ១០ ឧសភា ២០១៩នេះ ហើយនឹងដំណើរការរហូតរយៈពេលបីខែ។ ក្រុមហ៊ុនអាជីវកម្មទើបចាប់ផ្ដើមថ្មីដែលមានមូលដ្ឋាននៅកម្ពុជាចំនួន ១៥ នឹងទទួលបានការបណ្ដុះបណ្ដាលយ៉ាងហ្មត់ចត់នៅ ដោយផ្អែកលើកម្មវិធីដែលរៀបចំឡើងដោយ Seedstars។

កម្មវិធីនេះមានគោលបំណងលើកកម្ពស់ការធ្វើឲ្យកាន់តែប្រសើរឡើងពីផលិតផលទៅទីផ្សារ និងពង្រីកទំនាក់ទំនងអតិថិជនដោយបង្កើនការផ្ទេរចំណេះដឹងនិងទទួលការណែនាំពីអ្នកជំនាញ។ អ្នកជំនាញសហគ្រិនពេញម៉ោងពីរនាក់ ដែលស្ថិតនៅក្នុងលំនៅឋាន អ្នកជំនាញវិនិយោគអន្តរជាតិ និង គ្រូបង្ហាត់ថ្នាក់ជាតិនិងអន្តរជាតិជាង ២០ នឹងក្លាយជាផ្នែកមួយនៃកម្មវិធីដែលបានរចនានេះ។

លោក Bora Kem ជាដៃគូនៅ MSP លើកឡើងថា៖ "ការផ្ដល់ការណែនាំនិងការគាំទ្រផ្នែកបច្ចេកទេសមានសារៈសំខាន់ខ្លាំងណាស់ សម្រាប់ការទទួលបានជោគជ័យយូរអង្វែងរបស់អាជីវកម្មទើបបង្កើតថ្មី។ ជាមួយ SmartScale យើងនឹងផ្តល់ជូននូវការចាប់ផ្តើមអាជីវកម្ម ជាមួយអ្នកណែនាំដែលមានបទពិសោធន៍ក្នុងពេលសហការជាមួយ Seedstars ដើម្បីធ្វើកម្មវិធីបណ្ដុះបណ្ដាលក្នុងថ្នាក់ដែលល្អបំផុតបែបសកល។ យើងសង្ឃឹមថានឹងជួយសម្រួលដល់ចំណាប់អារម្មណ៍ក្នុងតំបន់លើបអាជីវកម្មក្នុងប្រទេសកម្ពុជា និង នាំពួកគេទៅកាន់ឆាកអន្តរជាតិ។”

អាជីវកម្មទើបបង្កើតថ្មីដែលបានជ្រើសរើស នឹងមានឱកាសរីករាយជាជាមួយកន្លែងធ្វើការដោយឥតគិតថ្លៃនៅក្នុងបរិយាកាសដែលមានការជំរុញ ការចូលរួមដោយសេរី ការគាំទ្រពីក្រុមហ៊ុនក្នុងស្រុក ការជួបជាមួយសហគ្រិននៅក្នុងលំនៅឋានផ្ទាល់រៀងរាល់សប្ដាហ៍ ជាមួយនឹងមាតិកាប្រចាំសប្ដាហ៍ដែលផ្តល់ដោយអ្នកឯកទេសជាក់ស្ដែង។ ពួកគេក៏នឹងមានលទ្ធភាពទទួលបានការវិនិយោគរហូតដល់ទៅ ១០០,០០០ដុល្លារពី Smart Axiata Digital Innovation Fund (SADIF) និងបណ្ដាញអ្នកវិនិយោគ Seedstars ព្រមទាំងទទួលបានអត្ថប្រយោជន៍បច្ចេកវិទ្យាដែលដែលមានតម្លៃរាប់ពាន់ដុល្លារដូចជា Xero, HubSopt និង Amazon Web Services។

លោក Thomas Hundt នាយកប្រតិបត្តិ ក្រុមហ៊ុន Smart Axiata បានបន្ថែមដែរថា៖ "សហគមន៏នៃអាជីវកម្មទើបបង្កើតថ្មីបានប្រាថ្នាចង់បានកម្មវិធីបែបនេះ ដែលនឹងដើរតួជាស្ពានសម្រាប់អាជីវកម្មទើបចាប់ផ្ដើមថ្មីក្នុងស្រុក ឈានទៅរកដំណាក់ការលូតលាស់។ ក្រុមហ៊ុន Smart មានសេចក្តីសោមនស្សរីករាយដែល MSP ជាមួយការគាំទ្រពីក្រុមការងារ Seedstars និង Development Innovations កំពុងសាកល្បងកម្មវិធីថ្មីនេះ ដែលជាបំណែកដ៏សំខាន់មួយ នៃការធ្វើដំណើរតាមប្រព័ន្ធអេកូឌីជីថលនៅក្នុងប្រទេសកម្ពុជា។ យើងសង្ឃឹមថានឹងអាចរកឃើញ និង ពង្រីកគំនិតច្ចេកវិទ្យាដ៏ល្អបំផុតនៅក្នុងព្រះរាជាណាចក្រកម្ពុជា"។

សម្រាប់ព័ត៌មានបន្ថែម និងការធ្វើបច្ចុប្បន្នភាពលើ SmartScale សូមចូលទៅកាន់ smartscalekh.com ៕

អត្ថបទ៖ សុខណា