Qualcomm ប្រកាសផ្សាយឈីបថ្មី ៣ ម៉ូឌែលមានមួយត្រូវចិត្តអ្នកលេងហ្គេមពេញទំហឹង

2019-04-10 06:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ Qualcomm បានប្រកាសផ្សាយនូវបន្ទះឈីបជំនាន់ថ្មី ៣ ម៉ូឌែលមាន Snapdragon 730, Snapdragon 730G និង Snapdragon 665 ដោយក្នុងនោះធុន 730G រចនាជាពិសេសសម្រាប់ Gaming Smartphone ធុនកណ្តាលដែលកំពុងទទួលបានការគាំទ្រខ្លាំងលើទីផ្សារ។

សម្រាប់ Snapdragon 730 វិវត្តឡើងពីជំនាន់ 710 ធ្លាប់មានបំពាក់លើ Galaxy A8s និង Xiaomi mi 8 SE ដោយជំនាន់ក្រោយជាប្រភេទ Kryo 470 ចំនួន 8-core ទំហំ 8nm គាំទ្រជាមួយ GPU ប្រភេទ Adreno 618 ល្បឿន 2.2GHzមាន Modem X15 LTE និងគាំទ្រ Wi-Fi 6។

ចំណែកឯ 730G អាចរត់បានលឿនជាងជំនាន់ធម្មតាប្រមាណ ១៥ ភាគរយ ដោយគាំទ្រជាមួយស្មាតហ្វូនប្រើអេក្រង់កម្រិត ១ ៤៤០p ធៀបនឹង 730 គាំទ្រត្រឹមកម្រិត ១ ០៨០p។ ជាងនេះទៅទៀត Qualcomm បានបញ្ជាក់ថាឈីបធុននេះមានប្រើមុខងារ Jank Reducer ដែលមានសមត្ថភាពកាត់បន្ថយល្បឿនដំណើរការយឺតយ៉ាវប្រមាណ ៩០ ភាគរយលើហ្គេមរត់នៅល្បឿន 30fps។

មួយម៉ូឌែលទៀតគឺ 665 វិវត្តតពីជំនាន់ 660 ជាប្រភេទឈីប 11nm គាំទ្រ GPU ប្រភេទ Adreno 610 អាចគាំទ្រប្រភេទស្មាតហ្វូនប្រើកាមេរ៉ា ៣ គ្រាប់ដែលមាន Sensor ទំហំ 48MP។ សម្រាប់ឈីបទាំងបីប្រភេទនេះរំពឹងនឹងចេញលក់លើទីផ្សារនាពាក់កណ្តាលឆ្នាំ ២០១៩ នេះតទៅ៕

អានអត្ថបទ:

ប្រភព៖ The Verge ប្រែសម្រួល៖ កៅ រក្សា