ថៃសុំជំនួយពីឡាវ និងមីយ៉ាន់ម៉ា ឲ្យជួយកម្ចាត់អ័ព្ទចេញពីភាគខាងជើងប្រទេស
- 2019-04-10 06:28:19
- ចំនួនមតិ 0 | ចំនួនចែករំលែក 0
ថៃសុំជំនួយពីឡាវ និងមីយ៉ាន់ម៉ា ឲ្យជួយកម្ចាត់អ័ព្ទចេញពីភាគខាងជើងប្រទេស
ចន្លោះមិនឃើញ
រដ្ឋាភិបាលថៃ បានស្នើសុំកិច្ចសហការពីខាងមីយ៉ាន់ម៉ា និងឡាវដើម្បីជួយកម្ចាត់អ័ព្ទដែលកំពុងតែវាយប្រហារនៅភាគខាងជើងប្រទេស។
យោងតាមនាយករដ្ឋមន្ត្រីថៃលោក ប្រាយុទ្ធ ចាន់អូចារឲ្យដឹងនៅក្នុងកិច្ចប្រជុំមួយកាលពីថ្ងៃអង្គារថា បើទោះបីជាភ្លើងឆេះគុម្ពោតព្រៃ និងអ័ព្ទមានការថយចុះយ៉ាងណាក្ដី ក៏ស្ថានការណ៍ត្រូវពឹងផ្អែកលើប្រទេសជិតខាងរបស់យើង។ នាយករដ្ឋមន្ត្រីរូបនេះបន្ដថា "ខ្ញុំបានសរសេរលិខិតទៅកាន់ឡាវ និងមីយ៉ាន់ម៉ាស្នើសុំឲ្យពួកគេជួយយើងដោះស្រាយបញ្ហានេះ។” ចំណែកឯមន្ត្រីថៃក្នុងតំបន់ ក៏កំពុងតែធ្វើការជាមួយសមភាគីមីយ៉ាន់ម៉ាដោយខ្ចីឧបករណ៍ដើម្បីពន្លត់ភ្លើងផងដែរ។
ទោះជាយ៉ាងណាក៏ដោយ បញ្ហាអ័ព្ទ និងផ្សេងពុលដែលកំពុងហ៊ុំព័ទ្ធតំបន់ភាគខាងជើងនៃប្រទេសថៃ អស់រយៈពេលជាងមួយខែមកនេះ ខេត្តឈៀងម៉ៃត្រូវបានអះអាងថាជាជាទីក្រុងមានគុណភាពខ្យល់ពុលខ្លាំងបំផុតនិងរងផលប៉ះពាល់ខ្លាំងដល់សុខភាពប្រជាជន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
