ស្ងាត់ៗ Oppo ចេញផ្សាយ Reno និង Reno 10x Zoom តម្លៃចាប់ពីជាង ៤០០ ដុល្លារឡើងទៅ
- 2019-04-11 02:43:00
- ចំនួនមតិ 0 | ចំនួនចែករំលែក 0
ស្ងាត់ៗ Oppo ចេញផ្សាយ Reno និង Reno 10x Zoom តម្លៃចាប់ពីជាង ៤០០ ដុល្លារឡើងទៅ
ចន្លោះមិនឃើញ
ក្នុងព្រឹត្តិការណ៍មួយនៅទីក្រុងប៉េកាំង ប្រទេសចិន ក្រុមហ៊ុន Oppo បានប្រកាសផ្សាយនូវស្មាតហ្វូន Reno និង Reno 10x Zoom Edition ជាផ្លូវការ ក្រោយលេចរូបរាង Teaser និងចចាមអារ៉ាមឥតឈប់ឈរកាលពីពេលកន្លងទៅ។
ជំនាន់ធម្មតា Reno រាប់ចូលជាស្មាតហ្វូនធុនកណ្តាលប្រើឈីប Snapdragon 710 SoC មានអេក្រង់ទំហំ ៦,៤ អ៊ីញ FHD+ ប្រភេទ AMOLED បង្កប់មុខងារស្កេនខ្ចៅដៃក្រោមអេក្រង់។ កាមេរ៉ាមុខទំហំ 16MP ជាប្រភេទផុសឡើងមកលើ ដោយខាងក្រោយទទួលបានពីរគ្រាប់មួយ 48MP មាន Aperture f/1.7 និងមួយផ្សេងទៀត 5MP ជាប្រភេទ Depth Sensor។
ទំហំថាមពលថ្ម ៣ ៧៦៥៥mAh គាំទ្រមុខងារសាកថ្មរហ័ស VOOC 3.0 ដោយមានជម្រើសអង្គផ្ទុក 6GB/128GB តម្លៃ ៤៤៦ ដុល្លារ ស្របពេល 6GB/256GB តម្លៃ ៤៩១ ដុល្លារ និង 8GB/256GB តម្លៃ ៥៣៦ ដុល្លារ ស្ថិតក្នុងជម្រើស ៤ ពណ៌បៃតង (Fog Sea Gree), ផ្កាឈូកស្រាល (Mist Pink), ស្វាយ (Nebula Purple) និងខ្មៅ (Extrem Night Black)។
ចំណែកឯធុនធ្ងន់ Reno 10x Zoom ជាស្មាតហ្វូនកំពូលមួយបង្កើតឡើងសម្រាប់ប្រជែងនឹង P30 Pro ដោយមានបំពាក់នូវឡេន Periscope ទំហំ 13MP មាន Aperture f/3.0 គាំទ្រ Hybrid Zoom ដល់កម្រិត 10x ខណៈគ្រាប់ទីពីរទំហំ 48MP មាន Aperture f/1.7 និងគ្រាប់ចុងក្រោយ 8MP ជាប្រភេទ Wide-Angle កម្រិត ១២០ ដឺក្រេ។
កាមេរ៉ាមុខទំហំ 16MP មាន Aperture f/2.0 ជាប្រភេទ Pop-up ផុសមកខាងលើផ្តល់នូវរូបធំទូលាយកម្រិត ៧៩,៣ ដឺក្រេ។ ម៉ូឌែលនេះបំពាក់នូវឈីប Snapdragon 855 SoC មាន RAM 6/8GB ដោយមានអង្គផ្ទុក 128/256GB ខណៈអេក្រង់ធំ ៦,៦ អ៊ីញ ប្រភេទ AMOLED ជាមាត្រដ្ឋានផ្ទៃអេក្រង់ពេញ ៩៣,១ ភាគរយ។
ចំពោះតម្លៃចាប់ពី ៥៩៥ ដុល្លារ ឡើងទៅសម្រាប់ជម្រើស RAM 6GB/128GB ស្របពេល 6GB/256GB ថ្លៃ ៦៧០ ដុល្លារ និងខ្ពស់បំផុតដល់ ៧១៤ ដុល្លារ សម្រាប់ RAM 8GB/256GB។ ត្រកូល Reno នឹងបើកលក់ក្នុងទីផ្សារចិនចាប់ពីថ្ងៃទី ១៩ មេសាតទៅ ស្របពេល Reno 10x Zoom នៅពាក់កណ្តាលខែឧសភា។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: