បងប្អូនទុកដាក់សំរាមឲ្យបានត្រឹមត្រូវ ក្រុមហ៊ុននឹងផ្អាកប្រមូលសំរាមបួនថ្ងៃ
- 2019-04-11 01:21:17
- ចំនួនមតិ 0 | ចំនួនចែករំលែក 0
បងប្អូនទុកដាក់សំរាមឲ្យបានត្រឹមត្រូវ ក្រុមហ៊ុននឹងផ្អាកប្រមូលសំរាមបួនថ្ងៃ
ចន្លោះមិនឃើញ
រដ្ឋបាលរាជធានីភ្នំពេញឲ្យដឹងថាក្នុងឱកាសថ្ងៃឈប់សម្រាកបុណ្យចូលឆ្នាំខ្មែររយៈពេលបួនថ្ងៃនេះ ការប្រមូលសំរាមក្នុងរាជធានីនឹងធ្វើឡើងមិនបានពេញលេញនោះទេ ដោយហេតុថាបុគ្គលិកប្រមូលសំរាមរបស់ក្រុមហ៊ុនត្រូវឈប់សម្រាកចូលឆ្នាំខ្មែរ។
ក្នុងសេចក្ដីជូនដំណឹងមួយចុះផ្សាយកាលពីម្សិលមិញ សាលារាជធានីភ្នំពេញ បានស្នើឲ្យប្រជាពលរដ្ឋទុកដាក់សំរាមឲ្យបានត្រឹមត្រូវ និងមិនបញ្ចេញមកតាមដងផ្លូវ។
បុគ្គលិកប្រមូលសំរាមនឹងត្រូវឈប់សំរាកពីថ្ងៃទី១៤ ដល់១៧ ខែមេសា ឆ្នាំ២០១៩។ ដោយហេតុនេះអាជ្ញាធរស្នើឲ្យប្រជាពលរដ្ឋទុកដាក់សំរាមនៅតាមទីតាំងរបស់ខ្លួនឲ្យបានត្រឹមត្រូវជាបណ្ដោះអាសន្នសិន៕