Samsung ឆ្លើយតប Huawei រឿងចង់ដណ្ដើមតំណែងកំពូល

2019-04-12 02:13:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាច្រើនលើកមកហើយដែល Huawei បានបង្ហាញមហិច្ឆតាថានឹងផ្ដួល Samsung ដើម្បីបានតំណែងជាក្រុមហ៊ុនផលិតស្មាតហ្វូនធំជាងគេក្នុងពិភពលោក។ ពេលនេះគេបានឮសម្ដីឆ្លើយតបពីខាង Samsung ផ្ទាល់ ដោយលោក DJ Koh នាយកប្រតិបត្តិក្រុមហ៊ុន និយាយថាក្រុមហ៊ុនរបស់ខ្លួននឹងបន្តឈរជើងជាក្រុមហ៊ុនលេខមួយរយៈពេល ១០ ឆ្នាំបន្តទៀត។

ពេលដែលសួរអំពីឱកាសអាចបាត់បង់តំណែងកំពូល លោក Koh បានឆ្លើយតបថា ក្នុងនាមជាក្រុមហ៊ុនផលិតស្មាតហ្វូននាំមុខមួយ Samsung តែងតែផ្ដោតលើភាពច្នៃប្រឌិត និងធ្វើឲ្យផលិតផលរបស់ខ្លួនកាន់តែប្រសើរ ដែលនឹងបន្តជាគោលការណ៍របស់ក្រុមហ៊ុនក្នុងរយៈពេល ១០ ឆ្នាំខាងមុខទៀត។

ទោះបីជាចំនួនលក់លើទីផ្សារសកលមានការថយចុះមែន ប៉ុន្តែ Samsung ជឿជាក់លើការចាប់យកស្មាតហ្វូនអាចបត់បាន ហើយវានឹងជាការបើកទំព័រនៃបទពិសោធន៍ប្រើប្រាស់ស្មាតហ្វូនបែបថ្មី។ នាយកប្រតិបត្តិ Samsung បន្តថា ក្រុមហ៊ុនបានត្រៀមខ្លួនរួចជាស្រេចដើម្បីបញ្ចេញស្មាតហ្វូនបត់បន្ថែមទៀត ដោយមិនបានប្រាប់ពីកាលបរិច្ឆេទជាក់លាក់ឡើយ៕

ចុចអាន៖

ប្រភព៖ GSMarena ប្រែសម្រួល៖ សុខហេង